UFC چەمپيونى شاۆكاتپەن ايقاس جايلى مالىمدەمە جاسادى

جارتىلاي ورتا سالماقتا UFC چەمپيونى بەلال مۋحامماد (24-3) قازاقستاندىق شاۆكات راحمونوۆپەن (18-0) جەكپە-جەك تۋرالى مالىمدەمە جاسادى،- دەپ جازادى Submission Radio.

مۋحامماد 27-شىلدەدە لەون ەدۆاردستى (22-4) جەڭىپ، ودان UFC بەلبەۋىن تارتىپ العان بولاتىن.

"قازىرگى تاڭدا شاۆكاتپەن ايقاسقانىم دۇرىس. ءبارى ونى جەڭىلمەيدى دەپ ويلايدى. Instagram جەلىسىندە ونى قولدايتىندار ماعان مىڭداپ جازىپ جاتىر. مەن ءبارىنىڭ اۋزىن جاپقىم كەلەدى. كەيىنگى ايقاستارىمدا ءبارى مەنىڭ جەڭىلەتىنىمدى ايتاتىن. ال راحمونوۆقا قارسى جۇدىرىقتاسىپ، ونىڭ مىلجاسىن شىعارسام، باسقا ءسوز قالمايدى. ۋسماندى جەڭسەم، "وي ول جەڭىلىس سەرياسىندا، تىزەسى وسال، باياعىدا بابىنان كەتكەن. قايداعى ءبىر زامانى وتكەن شالدى سابادىڭ" دەپ شىعادى. ال شاۆكاتتى جەڭسەم، اۋىزدارىنا قۇم قۇيىلادى. ول جەڭىلىپ كورمەگەن جانە جەكپە- جەكتەرىنىڭ ءبارىن نوكاۋتپەن اياقتاعان. سوندىقتان بۇل مەنىڭ نازارىم تۇسكەن جىگىت"، - دەيدى بەلال.