«تيتانيك» كەمەسىندە امان قالعان جولاۋشىنىڭ حاتى £300000 ساتىلدى

استانا. KAZINFORM - پولكوۆنيك ارچيبالدا گرەيسيدىڭ «تيتانيك» كەمەسى سۋعا باتقانعا دەيىن بىرنەشە كۇن بۇرىن جازعان حاتى ۇلى بريانياداعى اۋكسيوندا £300000 ($400000) ساتىلدى. ونى ساتىپ العان ادامنىڭ اتى- ءجونى جاريالانبادى، دەپ حابارلايدى BBC.

ول اۋليە ادامنىڭ حاتى رەتىندە باعالانىپ وتىر. گرەيسي اڭىزعا اينالعان كەمەنىڭ ەرەكشەلىكتەر تۋرالى ءسوز ەتپەستەن بۇرىن وسى ساپاردىڭ سوڭىنا دەيىن امان جەتۋىن كۇتەتىنىن ايتقان. حات 1912 -جىلدىڭ 10-ساۋىرىندە، ياعني جولاۋشىلار لاينەرگە وتىرعىزىلعان كۇنى جازىلعان.

ءبىرىنشى ساناتتاعى حات C51 كايۋتاسىنان جازىلعان. حات 1912 -جىلدىڭ 11-ءساۋىرى كۇنى، كەمە كۋينستاۋن (يرلانديا) پورتىنا توقتاعان كەزدە جىبەرىلگەن. سونىمەن قاتار حاتقا 12-ءساۋىر كۇنگى لوندوندىق بەلگى (شتەمپەل) باسىلعان.

تيتانيك 15-ساۋىردە سۋ تۇبىنە كەتتى، 1500 دەن استام ادام مەرت بولدى. گرەيسي توڭكەرىلىپ قالعان قايىققا ءمىنىپ، امان قالعان.

Henry Aldridge and Son اۋكسيون ءۇيىنىڭ وكىلدەرى «تيتانيك» كەمەسىندە جازىلعان حاتتاردىڭ ىشىندە ەڭ قۇندىسى بولعانىن ايتادى.

گرەيسيدىڭ اپات تۋرالى جازۋى ەڭ تانىمال جازبا سانالادى.

كەيىنىرەك ول «تيتانيك تۋرالى شىندىق» اتتى كىتاپ جازىپ، وندا ءوزىنىڭ لاينەردەگى كۇندەرى قالا وتكەنىن سۋرەتتەگەن.

پولكوۆنيك اپاتتان امان قالعانىمەن، ونىڭ دەنساۋلىعى گيپوتەرميادان جانە جاراقاتتاردان قاتتى زارداپ شەككەن.

1912 -جىلدىڭ 2-جەلتوقسانىندا ول كوماعا ءتۇسىپ، ارتىنان ديابەت سالدارىنان جاعدايى ناشارلاپ، قايتىس بولدى.

وسىعان دەيىن «تيتانيكتەگى» مىڭعا جۋىق جولاۋشىنى قۇتقارعان كاپيتاننىڭ ساعاتى رەكوردتىق باعاعا ساتىلعانى تۋرالى جازدىق.