تۋىسقانىنىڭ ۇيىنە ۇرىلاردى اكەلگەن: الماتىدا قاراقشىلار ۇستالدى
الماتى. KAZINFORM - مەگاپوليستىڭ «دوستىق» ىقشاماۋدانىنداعى ءۇي تۇنگى ۋاقىتتا تونالعان. ۇيگە تۇسكەن ۇرىلار اقشا مەن گاز تاپانشاسىن الىپ كەتكەن.
پوليتسيا دەپارتامەنتى ءۇيدى توناعان 4 كۇدىكتى قىلمىستىڭ ءىزى سۋىماي ۇستالعانىن حابارلادى.
- بۇل قىلمىستى اشۋ ماقساتىندا جەدەل- تەرگەۋ توبى قۇرىلدى. ءتورت كۇدىكتى ۇستالىپ، قاماۋعا الىندى. ولاردىڭ اراسىندا ءۇي يەلەرىنىڭ جاقىن تۋىسى بار. الدىن الا مالىمەت بويىنشا، كۇدىكتىلەردىڭ ەكەۋى بۇرىن مۇلىكتىك قىلمىس جاساعانى ءۇشىن سوتتى بولعان. ۇستالعانداردىڭ جەكە باسى ىقتيمال قىلمىستارعا قاتىسى بار-جوعىنا تەكسەرىلىپ جاتىر، - دەدى اۋەزوۆ اۋداندىق پوليتسيا باسقارماسىنىڭ باستىعى ۇلان ءابىلقايىر.
ايتا كەتەيىك، ق ر ق ك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.
كونستيتۋتسيانىڭ 77-بابى 3-ءبولىمى 1-تارماعى، ق ك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.
اۆتور
دوسبول اتاجان
