تىنىق مۇحيتىندا بورتىندا 3 مىڭ كولىك بار كەمە سۋعا باتىپ كەتتى
استانا. KAZINFORM - ماۋسىم ايىندا 3 مىڭعا جۋىق كولىكتى تاسىمالدايتىن Morning Midas جۇك كەمەسىنەن ءورت شىققانى بەلگىلى بولدى.
The Wall Street Journal باسىلىمىنىڭ حابارلاۋىنشا، كەمە 24 -ماۋسىمدا سۋعا باتىپ كەتكەن.
كەمە الياسكادان 480 شاقىرىم جەردە ءجۇزىپ بارا جاتقاندا بورتىندا ءورت شىققانى حابارلاندى.
- ەكيپاج ءورتتى ءسوندىرۋ ءۇشىن شارالار قابىلدادى، ءبىراق جاعدايدى باقىلاۋعا الۋ مۇمكىن بولمادى، - دەلىنگەن Zodiac Maritime باسقارۋشى كومپانياسىنىڭ مالىمدەمەسىندە.
ا ق ش جاعالاۋ كۇزەتى جاقىن ماڭدا ءجۇزىپ كەلە جاتقان ساۋدا كەمەسىنە 22 تەڭىزشىنى ەۆاكۋاتسيالادى.
كومپانيانىڭ مالىمەتىنشە، ونىڭ بورتىندا بارلىعى ليتي- يوندى اككۋمۋلياتورلاردان قۋات الاتىن 800 گە جۋىق ەلەكتروموبيل بولعاندىقتان، ءورتتى بىرنەشە اپتا بويى ءسوندىرۋ مۇمكىن بولمادى. باتارەيالاردىڭ بۇل تۇرلەرى جانعان كەزدە كوپ جىلۋ شىعارادى جانە سونگەننەن كەيىن دە قايتا جانۋى مۇمكىن.
كەمە 24-ماۋسىم كۇنى ءورت پەن اۋا رايىنىڭ قولايسىزدىعىنان سۋعا باتىپ كەتتى. اقپاراتقا سايكەس، كەمەنىڭ بورتىندا مەكسيكا نارىعىنا ارنالعان قىتايلىق كولىكتەر بولعان.
ەسكە سالا كەتەيىك، SpaceX عارىش كەمەسى سىناق كەزىندە جارىلعانى جايلى جازعان ەدىك.
