پۋتيننىڭ قايتىس بولعانى راس پا؟ كرەمل جاۋاپ بەردى

Telegram-ارنالارىندا رەسەي پرەزيدەنتى ۆلاديمير پۋتيننىڭ «قايتىس بولعانى» تۋرالى حابارلامالار تارادى.

كرەمل بۇل اقپاراتتى جوققا شىعاردى، - دەپ حابارلايدى ريا نوۆوستي.

«پۋتين قايتىس بولدى، ونىڭ ورنىندا وعان ۇقسايتىن ادام وتىر، ەل توڭكەرىس جاساۋ الدىندا تۇر» دەگەن قاۋەسەت - «ابسۋرد اقپارات»، - دەدى پرەزيدەنتتىڭ باسپا ءسوز حاتشىسى دميتري پەسكوۆ.

پەسكوۆ ءبىر اپتادا پرەزيدەنتتىڭ دەنساۋلىعىنا قاتىستى اقپاراتتى ەكىنشى رەت جوققا شىعارۋعا ءماجبۇر بولدى. 24- قازاندا ول پۋتيننىڭ جۇرەگى توقتاپ قالدى دەگەن قاۋەسەتتىڭ جالعان ەكەنىن ايتتى.

«ەشقانداي نەگىزى جوق، ونىڭ جاعداي جاقسى، بۇل جاي كەزەكتى جالعان اقپارات»، - دەدى پەسكوۆ.

ونىڭ ايتۋىنشا، مۇنداي اقپارات كرەملدىڭ كۇلكىسىن كەلتىرەدى.

بيىل ساۋىردە پەسكوۆ پۋتيننىڭ دەنساۋلىعىنا قاتىستى تاعى ءبىر اقپاراتتى جوققا شىعارىپ، رەسەي پرەزيدەنتىنىڭ «مەگا-بەلسەندى» جانە ونىڭ «ەنەرگياسىنا قىزىعۋعا بولاتىنىن» ايتقان ەدى.

«ارينە، ول ەشقاشان بۋنكەرلەردە وتىرماعان. بۇل دا وتىرىك»، - دەدى پەسكوۆ.