پۋتين مەن ترامپ تەلەفون ارقىلى سويلەستى
استانا. KAZINFORM - دونالد ترامپ پەن ۆلاديمير پۋتين 2 ساعاتتان استام ۋاقىت تەلەفون ارقىلى سويلەستى، دەپ حابارلايدى رەسەيلىك ت ا س س.
تاراپتار ۋكراينامەن اراداعى جانە تاياۋ شىعىستاعى جاعدايدى، سيرياداعى وقيعالاردىڭ دامۋ بارىسىن، ەنەرگەتيكاداعى بىرلەسكەن ەكونوميكالىق جانە عارىشتى زەرتتەۋ باعىتىنداعى جوبالاردى تالقىلادى.
ر ف پرەزيدەنتىنىڭ كومەكشىسى يۋري ۋشاكوۆتىڭ سوزىنشە، ترامپ پۋتينمەن اڭگىمە بارىسىندا ۋكرايناداعى اسكەري ارەكەتتەردى شۇعىل توقتاتۋ جونىندە سۇراق قويدى.
- ۆلاديمير پۋتين رەسەي تاراپىنىڭ كەلىسسوزدەردى جالعاستىرۋعا دايىن ەكەنىن ايتتى، - دەپ مالىمدەدى كرەمل وكىلى.
بۇل رەتتە رەسەي باسشىسى ماسكەۋدىڭ داعدارىستىڭ العاشقى سەبەپتەرىن جويۋعا كۇش سالاتىنىن جانە ءوزىنىڭ ماقساتتارىنان باس تارتپايتىنىن اتاپ ءوتتى.
پۋتين سونىمەن قاتار ترامپقا ساتتىلىك تىلەپ، شىلدەنىڭ 4- كۇنى وتەتىن ا ق ش- تىڭ تاۋەلسىزدىگى كۇنىمەن قۇتتىقتاعان.
