پۋتين مەن ەردوعان تەلەفون ارقىلى سويلەستى
ىستامبۇل. KAZINFORM - ۆلاديمير پۋتين مەن تۇركيا رەسپۋبليكاسى پرەزيدەنتى رەجەپ تايپ ەردوعان تەلەفون ارقىلى سويلەسىپ، كەلىسسوزدەردى قايتا باستاۋ تۋرالى تالقىلادى، دەپ جازدى كرەمل.
رەسەي پرەزيدەنتىنىڭ رەسەي-ۋكراين تىكەلەي كەلىسسوزدەرىن قايتا باستاۋ باستاماسى ەگجەي-تەگجەيلى تالقىلاندى. بۇل كەلىسسوزدەردى 15-مامىردان باستاپ ىستامبۇلدا وتكىزۋ ۇسىنىلدى.
رەجەپ تايپ ەردوعان بۇل رەسەيلىك ۇسىنىستى تولىعىمەن قولدايتىنىن ءبىلدىرىپ، كەلىسسوزدەر ءۇشىن ىستامبۇل الاڭىن ۇسىنۋعا دايىن ەكەنىن اتاپ ءوتتى. تۇرىك تاراپى تۇراقتى بەيبىتشىلىككە قول جەتكىزۋگە باعىتتالعان كەلىسسوزدەردى ۇيىمداستىرۋ مەن وتكىزۋگە بارىنشا قولداۋ كورسەتەتىن بولادى.
- رەسەي پرەزيدەنتى ماسكەۋدە جەڭىستىڭ 80 جىلدىعىنا ارنالعان سالتاناتتى ءىس-شارالار جانە وسى كۇندەرى وتكەن جوعارى دەڭگەيدەگى حالىقارالىق كەزدەسۋلەر تۋرالى اسەرىمەن ءبولىستى، - دەلىنگەن حابارلامادا.
مەملەكەت باسشىلارى ساۋدا-ەكونوميكالىق جانە ينۆەستيتسيالىق بايلانىستاردى ودان ءارى كەڭەيتۋگە، سونىڭ ىشىندە ەنەرگەتيكا سالاسىنداعى ستراتەگيالىق بىرلەسكەن جوبالاردى جۇزەگە اسىرۋعا ورتاق قىزىعۋشىلىق تانىتتى.
