تورەحان سابىرحان كاسىپقوي بوكستاعى دەبيۋتىن ءساتتى باستادى
استانا. KAZINFORM - قازاقستان ۇلتتىق قۇراماسىنىڭ بوكسشىسى تورەحان سابىرحان كاسىپقوي بوكستاعى العاشقى جەكپە- جەگىندە جەڭىسكە جەتتى.
ول استانادا ءوتىپ جاتقان «Battle of the Brave» كاسىپقوي بوكس كەشىندە شارشى الاڭعا شىقتى. وتانداسىمىز چەحيا وكىلى ييرجي حاۋكەمەن (4-6, 2 ك و) جۇدىرىقتاستى.
جەكپە- جەك بارىسىندا قازاقستاندىق بوكسشى ايقىن باسىمدىلىق تانىتىپ، ءۇشىنشى راۋندتا قارسىلاسىن ەكى رەت نوكداۋنعا ءتۇسىردى. ال، تورەشى جەكپە- جەكتى اياقتالعانىن حابارلاپ، تورەحان قارسىلاسىن تەحنيكالىق نوكاۋتپەن جەڭدى.
ەسكە سالا كەتسەك، جانىبەك ءالىمحان ۇلى 5 -ءساۋىر كۇنى استانا قالاسىندا كەزەكتى جەكپە-جەگىن وتكىزىپ، چەمپيوندىق بەلدىكتەرىن قورعايدى.
بۇعان دەيىن قازاقستاندىق كاسىپقوي بوكسشى الىشەر ءابدۋالىمنىڭ (3-0, 2 ك و) ءۇندىستاندىق قارسىلاسىنان باسىم تۇسكەنىن حابارلاعان ەدىك.
وكىنىشكە قاراي اقنيەت ءالىمباي كاسىپقوي بوكستا العاش رەت قارسىلاسىنا ەسە جىبەردى.
مۇحتار قاليموللا ۇلى
