تورعاي دالاسىندا كەرقۇلاندار قايتا مەكەندەي باستادى
استانا. KAZINFORM - قازاقستانعا بىلتىر اكەلىنگەن جابايى جىلقىلار 4 - ماۋسىمدا تابيعاتقا جىبەرىلدى، دەپ حابارلايدى ورمان شارۋاشىلىعى جانە جانۋارلار دۇنيەسى كوميتەتى.
بۇل - 2024 -جىلعى ماۋسىمدا اكەلىنگەن العاشقى 7 كەرقۇلان. جانۋارلار ءبىر جىل مامانداردىڭ باقىلاۋىندا جارتىلاي ەرىكتى جاعدايدا ۇستالىپ، ويداعىداي ورتاعا بەيىمدەلىپ ۇلگەردى.
جىلقىلار تورعاي دالاسىنداعى -30 °C ايازدا العاشقى قىستان امان- ەسەن شىقتى، ۇيرەندى، ۆەتەرينارلىق تەكسەرۋلەردەن ءوتتى. تابيعاتتا جانۋارلاردىڭ قوزعالىسىن باقىلاپ وتىراتىنداي، ۋمبرە مەن ۆەسپە دەگەن ەكى بيەگە GPS- قارعىباۋ تاعىلدى.
«التىن دالا» مەملەكەتتىك تابيعي رەزەرۆاتىنىڭ ينسپەكتورلارى بوساتىلعان جىلقىلاردى قورعايدى. ماماندار تابيعي ورتادا جانۋارلاردىڭ مىنەز- قۇلقىن زەرتتەۋدى جانە مونيتورينگتى جالعاستىرادى.
- كەرقۇلانداردىڭ العاش توبىن ورتالىق قازاقستاننىڭ جابايى تابيعاتىنا جىبەرۋ - ءتۇردى تاريحي مەكەنىندە قالپىنا كەلتىرۋ جوباسىن ىسكە اسىرۋداعى ماڭىزدى قادام. رەينترودۋكسيا ورتالىعىندا ءساتتى وتكەن جانۋارلاردىڭ جىل بويعى تۇرمىسى - ماماندار مەن مال دارىگەرلەرى كومانداسىنىڭ ەڭبەگىنىڭ ناتيجەسى، - دەيدى ا س ب ك اتقارۋشى ديرەكتورى ۆەرا ۆورونوۆا.
وسىعان دەيىن ارقالىققا كەرقۇلانداردىڭ جاڭا توبى جەتكىزىلگەنىن جازدىق.
