توقتار اۋباكىروۆ: مەنى عارىشقا ۇشىرعان - ۇلتتىق نامىس

Тоқтар Әубәкіров
Фото: Е.Омар.

 2-قازان - توقتار اۋباكىروۆتىڭ عارىشقا ۇشقان كۇنى. قازاقتىڭ تۇڭعىش عارىشكەرى 1991 -جىلعى 2-قازاندا بايقوڭىردان «سويۋز ت م-13» كەمەسىمەن عارىشقا ۇشقان ەدى. 

«قازاق گازەتتەرى» ج ش س ۇجىمىمەن كەزدەسۋ بارىسىندا توقتار وڭعارباي ۇلى 32 جىل بۇرىنعى تاريحي وقيعا تۋرالى ايتىپ بەردى.

«عارىشكەر بولام دەپ ويلاعان جوقپىن. عارىشقا ۇشۋ ول دا قازاقتىڭ نامىسى بولدى. مەنى عارىشقا ۇشىرعان - ۇلتتىق نامىس»، دەدى توقتار اۋباكىروۆ.

1991 -جىلعى 2-قازاندا توقتار اۋباكىروۆ 45 جاسىندا «سويۋز ت م-13» عارىش كەمەسىمەن «مير» وربيتالىق كەشەنىنە ۇشقىش-زەرتتەۋشى رەتىندە ۇشتى. ەكيپاج قۇرامىندا بولعان سوۆەت عارىشكەرى الەكساندر ۆولكوۆ جانە اۆستريالىق فرانس فيبەكپەن بىرگە عارىشقا كوتەرىلدى.

«قازاقستاننىڭ تۇڭعىش پرەزيدەنتى ن. نازاربايەۆ قازاقتىڭ دالاسىندا بوي كوتەرگەن بايقوڭىر عارىش ايلاعىنان 30 جىلدا قازاقتىڭ دالاسىنان عارىشقا قانشاما عارىشكەر ۇشقانىن، الايدا، ىشىندە بىردە-ءبىر قازاق جوق ەكەنىن ايتقان ەدى. عارىشقا ۇشۋ قازاقتىڭ قولىنان كەلمەيتىن شارۋا ما؟» دەگەنى مەنىڭ نامىسىمدى قايرادى. التى ايدىڭ ىشىندە قازاقتىڭ نامىسى ءۇشىن سىناقتان ءوتىپ، عارىشقا ۇشتىم. باسقا عارىشكەرلەر ۇشۋ ءۇشىن سىناق تاپسىرۋ مەرزىمىن از دەگەندە ەكى جىل، ودان دا كوپ ۋاقىت وتەيدى. ال مەن سول سىناقتى 6 ايدىڭ ىشىندە تاپسىرىپ، قازاقتىڭ نامىسى ءۇشىن عارىشقا كوتەرىلدىم»، دەدى كەڭەس وداعىنىڭ باتىرى، حالىق قاھارمانى، عارىشكەر، ۇشقىش توقتار اۋباكىروۆ.

Тоқтар Әубәкіров
Фото: Е.Омар.

egemen.kz

سوڭعى جاڭالىقتار