توقايەۆ: يتاليامەن سيرەك جەر مەتالدارىن يگەرۋ باعىتىندا بىرگە جۇمىس ىستەۋگە دايىنبىز

استانا. KAZINFORM - مەملەكەت باسشىسى قاسىم-جومارت توقايەۆ «ورتالىق ازيا - يتاليا» ءبىرىنشى سامميتىندە ورتالىق ازياداعى سيرەك جەر مەتالدارىنىڭ كەن ورىندارى تۋرالى وزەكتى اقپاراتتىڭ ءبارىن ءبىر جەرگە جيناقتايتىن وڭىرلىك زەرتتەۋ ورتالىعىن قۇرۋ تۋرالى باستامانى ەسكە سالدى.

- ونەركاسىپتىك كووپەراتسياسىن كۇشەيتۋ ۇلكەن كەلەشەكتەرگە جول اشادى. بۇل تۇستا قازاقستان سيرەك جەر مەتالدارىنىڭ قوماقتى قورىنا يەلىك ەتىپ وتىر جانە ءبىز وسى باعىتتا يتاليامەن بىرگە جۇمىس ىستەۋگە دايىنبىز، - دەدى مەملەكەت باسشىسى.

پرەزيدەنت قازاقستاننىڭ وسى سالادا ماڭىزدى باستاماسى بار ەكەنىن ەسكە سالدى. قازاقستان ورتالىق ازياداعى سيرەك جەر مەتالدارىنىڭ كەن ورىندارى تۋرالى بارلىق وزەكتى اقپاراتتى جيناقتايتىن وڭىرلىك زەرتتەۋ ورتالىعىن قۇرۋ تۋرالى باستاما كوتەردى.

- ءبىز يتاليالىق كومپانيالارعا «ستراتەگيالىق شيكىزات ورنىنا - ينۆەستيتسيالار مەن تەحنولوگيالار» فورمۋلاسىن باسشىلىققا الا وتىرىپ، سيرەك جەر ەلەمەنتتەرى مەن مينەرالداردى بىرلەسكەن گەولوگيالىق بارلاۋ جانە ءوندىرۋ ءۇشىن قولايلى جاعدايلار ۇسىنۋعا دايىنبىز، - دەدى قاسىم- جومارت توقايەۆ.

مەملەكەت باسشىسى قاسىم-جومارت توقايەۆ «ورتالىق ازيا - يتاليا» ءبىرىنشى سامميتىندە ايماق ەلدەرىن «بيووتىن» جاھاندىق اليانسىمەن بايلانىس ورناتۋعا شاقىردى.

- دەي تۇرعانمەن قازىر كەلەشەك بالامالى ەنەرگەتيكا سالاسىندا ەكەنى ايقىن كورىنىپ وتىر. كومىرتەگىنىڭ ۇلەسى تومەن ەكونوميكاعا جوسپارلى تۇردە كوشۋ - قازاقستان ءۇشىن باسىم باعىتتاردىڭ ءبىرى. ءبىز يتاليالىق سەرىكتەستەرىمىزگە ەلىمىزدىڭ ءبىرقاتار وڭىرىندە كۇن جانە جەل ەلەكتر ستانسالارىن سالۋ جونىندەگى جوبالاردى ىسكە اسىرعانى ءۇشىن رازىمىز، - دەدى پرەزيدەنت قاسىم-جومارت توقايەۆ.

يتاليا زاماناۋي تەحنولوگيالاردىڭ يەسى رەتىندە ورتالىق ازيا مەملەكەتتەرىنىڭ ەكونوميكاسىن كومىرتەكسىزدەندىرۋگە اتسالىسىپ وتىرعانىن اتاپ ءوتتى.

- وڭىردەگى جاسىل جوبالاردى قولداۋ ءۇشىن جانە وسى ءبىر كومىرتەكسىز وتىننىڭ جەتكىزۋ تىزبەگىن قۇرۋ ءۇشىن قۇرىلتايشىسى يتاليا بولىپ وتىرعان «بيووتىن» جاھاندىق اليانسىمەن بايلانىستى جولعا قويۋ ۇسىنىلادى، - دەدى مەملەكەت باسشىسى.

ايتا كەتەيىك، ەلورداداعى تاۋەلسىزدىك سارايىندا مەملەكەت باسشىسى قاسىم-جومارت توقايەۆتىڭ قاتىسۋىمەن «ورتالىق ازيا - يتاليا» العاشقى سامميتى ءوتىپ جاتىر.

اۆتور

ەسىمجان ناقتىباي