توقايەۆ گۆينەيا-بيساۋ باسشىسىن قازاقستانعا كەلۋگە شاقىردى
استانا. KAZINFORM - مەملەكەت باسشىسى گۆينەيا-بيساۋ پرەزيدەنتىمەن كەزدەستى، دەپ حابارلايدى اقوردا.
ب ۇ ۇ كليماتتىڭ وزگەرۋى جونىندەگى 29- كونفەرەنسياسى اياسىندا قاسىم-جومارت توقايەۆ گۆينەيا-بيساۋ پرەزيدەنتى ۋمارۋ سيسوكۋ ەمبالومەن كەزدەسۋ وتكىزدى.
پرەزيدەنت گۆينەيا-بيساۋ ەلىن قازاقستاننىڭ افريكا قۇرلىعىنداعى ماڭىزدى سەرىكتەستەرىنىڭ ءبىرى رەتىندە اتاپ ءوتىپ، ەكى ەل اراسىنداعى دوستىق بايلانىس پەن ءوزارا ءتيىمدى ىنتىماقتاستىقتى نىعايتۋعا بەيىل ەكەنىن راستادى.
قاسىم-جومارت توقايەۆتىڭ ايتۋىنشا، قازاقستان - اشىق ءارى بەيبىت ساياسات ۇستاناتىن جانە ايماقتاعى ەڭ ءىرى ەكونوميكاسى بار ەل. سونداي-اق ول قوس مەملەكەتتىڭ اراسىنداعى سەرىكتەستىكتىڭ پەرسپەكتيۆاسى مول دەپ سانايدى.
مەملەكەت باسشىسىنىڭ پىكىرىنشە، قازاقستان مەن گۆينەيا- بيساۋ گەوگرافيالىق تۇرعىدان قاشىق ورنالاسقانىنا قاراماستان، اۋىل شارۋاشىلىعى، لوگيستيكا جانە اقپاراتتىق- كوممۋنيكاتسيالىق تەحنولوگيا سالالارىندا ىقپالداستىقتى دامىتۋعا مۇمكىندىگى بار.
ءوز كەزەگىندە ۋمارۋ سيسوكۋ ەمبالو ەكىجاقتى قارىم-قاتىناستىڭ الەۋەتىن تالقىلاۋعا مۇمكىندىك جاساعانى ءۇشىن قازاقستان پرەزيدەنتىنە العىس ايتتى.
كەزدەسۋ سوڭىندا قاسىم-جومارت توقايەۆ ۋمارۋ سيسوكۋ ەمبالونى وزىنە قولايلى ۋاقىتتا قازاقستانعا رەسمي ساپارمەن كەلۋگە شاقىردى.
ەسكە سالايىق، بۇگىن پرەزيدەنت قاسىم-جومارت توقايەۆ دۇنيەجۇزىلىك كليمات سامميتىنە قاتىسۋ ءۇشىن باكۋدەگى وليمپيادالىق ستاديونعا باردى. سوسىن مەملەكەت باسشىسى باكۋدەگى دۇنيەجۇزىلىك كليمات سامميتىندە ءسوز سويلەدى. كليماتتىڭ وزگەرۋى جونىندەگى ب ۇ ۇ- نىڭ نەگىزدەمەلىك كونۆەنسياسىنا قوسىلۋشى تاراپتاردىڭ 29- كونفەرەنسياسى اياسىندا ق ر پرەزيدەنتى قاسىم-جومارت توقايەۆ فينليانديا پرەزيدەنتى الەكساندر ستۋببپەن كەزدەسۋ وتكىزدى.
