توقايەۆ يلحام اليەۆتى ازەربايجاننىڭ جەڭىس كۇنىمەن قۇتتىقتادى
استانا. KAZINFORM — قاسىم-جومارت توقايەۆ ازەربايجان پرەزيدەنتى يلحام اليەۆكە جەڭىس كۇنىنە وراي قۇتتىقتاۋ جەدەلحاتىن جولدادى. بۇل تۋرالى اقورا ءمالىم ەتتى.
— پرەزيدەنت ايتۋلى كۇننىڭ ازەربايجاننىڭ مەملەكەتتىلىك تاريحىندا ەرەكشە مانگە يە ەكەنىنە توقتالىپ، ءوڭىر ەلدەرىنىڭ مۇددەسىنە ساي وڭتۇستىك كاۆكازدا ۇزاقمەرزىمدى بەيبىتشىلىك پەن تۇراقتىلىقتى نىعايتۋداعى ماڭىزىن اتاپ ءوتتى. مەملەكەت باسشىسى قازاق- ازەربايجان ستراتەگيالىق سەرىكتەستىگى مەن وداقتاستىعىنىڭ دەڭگەيىن جوعارى باعالاپ، ەكىجاقتى ىنتىماقتاستىق قوس حالىقتىڭ يگىلىگى جولىندا ودان ءارى نىعايا بەرەتىنىنە سەنىم ءبىلدىردى، — دەلىنگەن حابارلامادا.
ايتا كەتەيىك، جاقىندا باكۋدە قازاقستان پرەزيدەنتىنىڭ جولداۋى تالقىلاندى.
