توقايەۆ سەربيانىڭ قورعانىس ونەركاسىبى ونىمدەرىنىڭ كورمەسىنە باردى
بەلگراد. KAZINFORM - قاسىم- جومارت توقايەۆ سەربيا پرەزيدەنتى الەكساندر ۆۋچيچپەن بىرگە بەلگراد ماڭىنداعى «باتاينيتسا» اەرودرومىنا قويىلعان اسكەري- ونەركاسىپ كەشەنى كاسىپورىندارىنىڭ كورمەسىن ارالادى.
بۇل تۋرالى اقوردانىڭ باسپا ءسوز قىزمەتى ءمالىم ەتتى.
سەربيا - اسكەري ماقساتتاعى تاۋارلاردىڭ ەكسپورتى بويىنشا ايماقتاعى كوشباسشى ەل.
قازىر سەربيانىڭ قورعانىس ونەركاسىبى ونىمدەرى الەمنىڭ 70 مەملەكەتىنە، سونىڭ ىشىندە ب ا ءا، ساۋد ارابياسى، ا ق ش، بولگاريا، يندونەزيا سياقتى ەلدەرگە جەتكىزىلەدى.
كورمەدە قۇرلىق اسكەرىنىڭ جاۋىنگەرلىك تەحنيكالارىنىڭ، سەربيالىق قارۋ-جاراقپەن جابدىقتالعان تىكۇشاقتاردىڭ، اۋە قورعانىسى جۇيەلەرىنىڭ، اتىس قارۋلارىنىڭ، ارتيللەريالىق جانە باسقا دا وق- دارىلەردىڭ، مينالار مەن مينومەتتەردىڭ ۇلگىلەرى ۇسىنىلعان.
سەربيانىڭ وسى باعىتتاعى مول تاجىريبەسى قازاقستاننىڭ قورعانىس الەۋەتىن نىعايتۋعا ىقپال ەتە الادى.
ەسكە سالساق، بۇعان دەيىن مەملەكەت باسشىسى سەربيا پرەمەر-مينيسترىمەن كەزدەسكەن ەدى.
سونىمەن قاتار، پرەزيدەنتتىڭ سەربياعا رەسمي ساپارى اياسىندا 10 قۇجاتقا قول قويىلعانى حابارلاندى.
