توقايەۆ ەۋروپالىق كوميسسيا پرەزيدەنتى ۋرسۋلا فون دەر ليايەنمەن كەزدەستى
تاشكەنت. KAZINFORM - «ورتالىق ازيا - ەۋروپا وداعى» سامميتى اياسىندا قاسىم-جومارت توقايەۆ پەن ەۋروپالىق كوميسسيا پرەزيدەنتى ۋرسۋلا فون دەر ليايەن كەزدەسۋ وتكىزدى. بۇل تۋرالى اقوردانىڭ باسپا ءسوز قىزمەتى حابارلادى.
اڭگىمەلەسۋ بارىسىندا قازاقستان مەن ەۋروپا وداعىنىڭ ەكونوميكانىڭ ءتۇرلى سەكتورىنداعى، سيفرلاندىرۋ جانە يننوۆاتسيا سالالارىنداعى ىنتىماقتاستىعىن دامىتۋ پەرسپەكتيۆاسى تالقىلاندى. تاراپتار قازاقستان مەن ەۋروپالىق كوميسسيا اراسىندا ۆيزا بەرۋ ءتارتىبىن جەڭىلدەتۋ جونىندەگى كەلىسىمگە كەلۋ ۇدەرىسى باستالعانىن وڭ باعالادى.
قاسىم-جومارت توقايەۆ كەڭەيتىلگەن سەرىكتەستىك جانە ىنتىماقتاستىق جونىندەگى كەلىسىم قازاقستان مەن ەۋروپا وداعىنىڭ سان قىرلى ىقپالداستىعىنا نەگىز بولىپ وتىرعانىن جەتكىزدى.
مەملەكەت باسشىسى قازاقستاننىڭ ەۋروپامەن ىنتىماقتاستىعىن ودان ءارى تەرەڭدەتەتىن ءتورت باسىم باعىتتى اتادى. بۇل - ەنەرگەتيكا، ءىرى ينفراقۇرىلىم جانە ونەركاسىپ جوبالارىن جۇزەگە اسىرۋ، كولىك-لوگيستيكا جەلىلەرىن كەڭەيتۋ، سونداي-اق سيفرلىق يننوۆاتسيا، وزىق تەحنولوگيالار مەن جاساندى ينتەللەكت باعىتىنداعى سەرىكتەستىك.
ۋرسۋلا فون دەر ليايەن كولىك-لوگيستيكا سالاسىنداعى، سونىڭ ىشىندە ترانسكاسپي حالىقارالىق كولىك ءدالىزى سەكىلدى جوبالاردى ىسكە اسىرۋدىڭ ماڭىزىنا توقتالدى. ول قاسىم-جومارت توقايەۆتى قازاقستاندا سيرەك كەزدەسەتىن مەتالداردىڭ ءىرى كەن ورنىنىڭ تابىلۋىمەن قۇتتىقتادى.
تاراپتار С5+ЕО اياسىنداعى جۇمىستى جالعاستىرۋعا ۋاعدالاستى. سونىمەن قاتار وڭىرلىك جانە حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى.
