توقايەۆ: قازاقستان بىرتە-بىرتە وڭىرلىك اكادەميالىق جانە عىلىمي-زەرتتەۋ حابىنا اينالىپ كەلەدى
نيۋ-يورك. KAZINFORM - بۇگىندە ەلىمىزدە شەتەلدىك جوعارى وقۋ ورىندارىنىڭ 33 فيليالى اشىلعان، دەپ حابارلايدى اقوردانىڭ باسپا ءسوز قىزمەتى.
پرەزيدەنت ءمان بەرگەن كەلەسى باسىمدىق - سيفرلىق ترانسفورماتسيا. قاسىم- جومارت توقايەۆ الداعى ءۇش جىلدا قازاقستاندى تولىق تسيفرلىق مەملەكەتكە جانە سيفرلىق ترانسفورماتسيا مەن جاساندى ينتەللەكت سالاسىندا ەۋرازيادا كوش باستايتىن IT- حابقا اينالدىرۋ جوسپارىمەن ءبولىستى. NVIDIA ،Amazon ،Starlink جانە Microsoft سياقتى جاھاندىق تەحنولوگيالىق الپاۋىتتار سيفرلىق ەكوجۇيەمىزدى قالىپتاستىرۋعا بەلسەندى اتسالىسىپ جاتىر. مەملەكەت باسشىسىنىڭ ايتۋىنشا، بۇل ەلىمىزدىڭ IT سالاسىنداعى الەۋەتى وراسان زور ەكەنىن كورسەتەدى. بۇل رەتتە تسيفرلىق اكتيۆتەر، يندۋستريا 4.0, جاساندى ينتەللەكت جانە «اقىلدى قالا» شەشىمدەرى ءوزارا ىقپالداستىقتىڭ پەرسپەكتيۆتى باعىتتارى سانالادى. قارجى سەكتورى تۋرالى ءسوز قوزعاي وتىرىپ، مەملەكەت باسشىسى دوڭگەلەك ۇستەل قاتىسۋشىلارىنا «استانا» حالىقارالىق قارجى ورتالىعىنىڭ مۇمكىندىكتەرىن تانىستىردى. قازىرگى ۋاقىتتا وندا 80نەن اسا ەلدەن 4200 دەن استام كومپانيا تىركەلگەن. ونىڭ 60 تان استامى _ امەريكالىق كومپانيالار. قاسىم-جومارت توقايەۆ ادامي كاپيتالدى دامىتۋدىڭ ماڭىزىنا ەرەكشە توقتالدى.
- قازاقستان بىرتە-بىرتە وڭىرلىك اكادەميالىق جانە عىلىمي-زەرتتەۋ حابىنا اينالىپ كەلەدى. بۇگىندە ەلىمىزدە شەتەلدىك جوعارى وقۋ ورىندارىنىڭ 33 فيليالى اشىلعان. ولاردىڭ قاتارىندا اريزونا ۋنيۆەرسيتەتى، كولورادو تاۋ- كەن مەكتەبى، ديۋك ۋنيۆەرسيتەتى، پەنسيلۆانيا شتاتى ۋنيۆەرسيتەتى، ميننەسوتا ۋنيۆەرسيتەتى جانە نيۋ-يورك كينو اكادەمياسى سەكىلدى امەريكالىق جەتەكشى جوعارى وقۋ ورىندارى بار، - دەدى پرەزيدەنت.
سونداي-اق بۇگىندە «بولاشاق» باعدارلاماسىنىڭ 800 دەن استام ستيپەنديا يەگەرى ا ق ش- تىڭ گارۆارد، ماسساچۋسەتس تەحنولوگيالىق ينستيتۋتى، ستەنفورد، چيكاگو ۋنيۆەرسيتەتى سەكىلدى ماڭدايالدى وقۋ ورىندارىندا ءبىلىم الىپ جاتىر. بۇل رەتتە مەملەكەت جاس بۋىن كوشباسشىلارىن قالىپتاستىرۋ ءۇشىن امەريكالىق ۋنيۆەرسيتەتتەرمەن جانە زەرتتەۋ ورتالىقتارىمەن بىرلەسكەن جوبالاردىڭ اياسىن كەڭەيتۋدى ۇسىندى.
بۇدان بۇرىن پرەزيدەنت ا ق ش كومپانيالارىن ەلىمىزدىڭ اۋىل شارۋاشىلىعى الەۋەتىن بارىنشا پايدالانۋعا شاقىردى.
