توقايەۆ پەن ستيۆەن شۆارتسمان ينۆەستيتسيالىق ىنتىماقتاستىقتىڭ باسىم باعىتتارىن تالقىلادى
نيۋ-يورك. KAZINFORM - پرەزيدەنت Blackstone كومپانياسىنىڭ نەگىزىن قالاۋشىلاردىڭ ءبىرى جانە باسقارما ءتوراعاسى ستيۆەن شۆارتسمانمەن كەزدەستى. بۇل تۋرالى اقوردانىڭ باسپا ءسوز قىزمەتى حابارلادى.
قاسىم-جومارت توقايەۆ پەن ستيۆەن شۆارتسمان ءوزارا ءتيىمدى ينۆەستيتسيالىق ىنتىماقتاستىقتىڭ باسىم باعىتتارىن تالقىلادى.
قازاقستان پرەزيدەنتىنىڭ ايتۋىنشا، Blackstone كومپانياسىنىڭ ينفراقۇرىلىم مەن تەحنولوگيانى دامىتۋعا ارنالعان اۋقىمدى ينۆەستيتسيالاۋ ستراتەگياسى ەلىمىزدىڭ ەكونوميكانى ءارتاراپتاندىرۋ، يننوۆاتسيا مەن ورنىقتى دامۋ سالالارىنداعى ۇلتتىق باسىمدىقتارىمەن تىعىز بايلانىستى.
مەملەكەت باسشىسى قازاقستاندى تولىق سيفرلىق ەلگە اينالدىرۋ جونىندە ستراتەگيالىق مىندەت قويعانىنا ەگجەي-تەگجەيلى توقتالدى.
Blackstone كومپانياسىنىڭ باسشىسىمەن اڭگىمەلەسۋ بارىسىندا قازاقستاندا داتا ورتالىق قۇرىلىسى جوباسىن بىرلەسىپ ىسكە اسىرۋ ۇسىنىلدى. سونداي-اق ەلىمىزدەگى قارجى تەحنولوگيالارى مەن جىلدام وركەندەپ كەلە جاتقان كومپانيالار ارقىلى اكتيۆتەردى باسقارۋ سالاسىنداعى ىنتىماقتاستىق الەۋەتىن قاراستىرۋعا نازار اۋدارىلدى.
Blackstone - نارىقتىق كاپيتالى 218 ميلليارد دوللاردان اساتىن الەمدەگى ءىرى ينۆەستيتسيالىق كومپانيا.
ايتا كەتەلىك پرەزيدەنت ا ق ش ساۋدا مينيسترىمەن كەزدەسكەن ەدى.
