توقايەۆ Microsoft كومپانياسىنىڭ ورتالىق ەۋروپا مەن ورتالىق ازياداعى پرەزيدەنتىن قابىلدادى
استانا. KAZINFORM - مەملەكەت باسشىسى Microsoft كومپانياسىنىڭ ورتالىق ەۋروپا مەن ورتالىق ازياداعى پرەزيدەنتى ميشەل سيممونستى قابىلدادى.
كەزدەسۋدە قازاقستان مەن Microsoft كومپانياسىنىڭ IT- يندۋستريانى دامىتۋ جانە ستارتاپتار ءۇشىن تولىق ەكوجۇيە قۇرۋ باعىتىنداعى ىنتىماقتاستىعىنىڭ پەرسپەكتيۆاسى تالقىلاندى.
قاسىم-جومارت توقايەۆقا Microsoft كومپانياسىنىڭ قازاقستانداعى كەڭسەسى قايتا قۇرىلىمدالىپ، ورتالىق ازيا، ازەربايجان، ارمەنيا، گرۋزيا، موڭعوليا جانە پاكىستان ەلدەرىن قامتيتىن مۋلتيوڭىرلىك حابقا اينالعانى جونىندە مالىمەت بەرىلدى.
مەملەكەت باسشىسى ەلىمىزدە جاساندى ينتەللەكت سالاسىنا قاتىستى زاڭناما ازىرلەنىپ جاتقانىن ايتتى. باستى ماقسات - يننوۆاتسيانى دامىتۋ جانە ەكونوميكالىق ورلەۋ ءۇشىن جي الەۋەتىن پايدالانۋ. كەلەسى جىلى جاساندى ينتەللەكت ۇلتتىق ورتالىعىن اشۋ جوسپارلانىپ وتىر. اتالعان كەشەن قازاقستانداعى سيفرلىق ترانسفورماتسياعا قاجەتتى نەگىزگى ينفراقۇرىلىمعا اينالماق.
ميشەل سيممونس Microsoft كومپانياسى سيفرلىق دامۋ ماقساتىندا قازاقستان تاراپىمەن ناتيجەلى ىقپالداستىقتى ودان ءارى جالعاستىرۋعا بەيىل ەكەنىن اتاپ ءوتتى.
