توپاي اسىق جيناعان اقتوبەلىك قازاقستان رەكوردتار كىتابىنا ەندى
3 مىڭنان استام توپاي اسىعىن جيناعان اقتوبەلىك ەربولات قۋانىشوۆ قازاقستان رەكوردتار كىتابىنا ەندى. ول گيننەسس رەكوردتارىن جاڭارتىپ، جيناعان اسىعىنان ۇلكەن ءمۇسىن جاساۋدى ارماندايدى.
كوللەكتسيونەر ەربولات قۋانىشوۆتا قازاقستان رەكوردتار كىتابىنا ەنگەنى تۋرالى سەرتيفيكات بار. وندا «كۋالىك اقتوبە وبلىسىنىڭ تۋماسى ۇلتتىق ونەردى ۇلىقتاۋدى ماقسات ەتىپ، ءوز شەبەرحاناسىندا ون ەكى جىل بويى سيىر اسىعىن جيناۋمەن اينالىسىپ، 3378 اسىق جيناعان ەربولات قۋانىشوۆقا كينەس قازاقستاندىق رەكوردتار كىتابىنىڭ كەيىپكەرى رەتىندە بەرىلەدى» دەپ جازىلعان.
سونىمەن بىرگە ق ر اسىق اتۋ فەدەراتسياسىنىڭ پرەزيدەنتى ا. سۇلتانوۆ اسىق اتۋ سپورتىن دامىتۋعا قوسقان ۇلەسى ءۇشىن «التىن ساقا» توسبەلگىسىمەن ماراپاتتادى.
- گيننەسس كىتابىنا ەنۋ ءۇشىن رەسمي سايتىنا كىرىپ، سۇرانىس جولداپ وتىرمىز. ءۇش ايدان سوڭ عانا حابارىن ايتادى ەكەن. مەن بۇعان دەيىن توپاي اسىقتىڭ ءبارىن ءوزىم جينادىم. ەندى اينالامنان دا السام دەيمىن. الەمدىك رەكوردتى جاڭارتقان سوڭ وبلىس ورتالىعىنا اسىقتان ءمۇسىن جاساعىمىز كەلەدى. ول الىپ اسىقتىڭ دا، سيىردىڭ دا ءمۇسىنى بولۋى مۇمكىن. مۇنداي ەشكىمدە جوق، - دەدى ەربولات قۋانىشوۆ.
ەسكە سالساق، شارۋا ەربولات قۋانىشوۆتىڭ ءبىر-ەكى اسىعى 13 جىلدا 3400 گە جۋىقتادى. قازىر ءوزى تۇراتىن ءۇيدىڭ سارايىن شەبەرحانا ەتىپ، كەلۋشىلەرگە ارناپ كورمە جاساقتاپ قويعان. ىشىندە قويدىڭ اسىعى، توپاي اسىقتان باستاپ، ءتۇرلى جىلىكتەن جاسالعان شەجىرە جيناعىن، قابىرعا مەن ومىرتقا، جاۋىرىن مەن مۇيىزدەن اسپالى شام جاساعان.
