توپ-20: ەلىمىزدە تۋريزمدى دامىتۋعا جايلى وڭىرلەردىڭ ءتىزىمى بەكىتىلدى

استانا. KAZINFORM - تۋريزم جانە سپورت ءمينيسترى ەرمەك مارجىقپايەۆ جۋىردا تۋريزمدى دامىتۋ سالاسىنداعى 2023 -جىلعى قىزمەت قورىتىندىلارى مەن 2024 -جىلعا ارنالعان باسىم مىندەتتەر تۋرالى القا وتىرىسىندا پرەمەر-ءمينيستردىڭ تاپسىرماسى بويىنشا باسىم اۋماقتاردىڭ ءتىزىمى 10 نان توپ-20 عا دەيىن كەڭەيتىلگەنىن مالىمدەدى.

ق ر تۋريزم جانە سپورت مينيسترلىگى باسپا ءسوز قىزمەتىنىڭ حابارلاۋىنشا، قازاقستانداعى توپ-20 باسىم تۋريستىك ايماقتىڭ تولىق ءتىزىمى مىناداي: حان ورداسى (ب ق و)، قارعالى سۋ قويماسى (اقتوبە وبل. )، تۋريستىك كەشەن (قوستاناي وبل. )، شۋچە- بۋرابايداعى «اقبۋرا» كۋرورتتىق ايماعى (اقمولا وبل. )، يمانتاۋ- شالقار كۋرورتتىق ايماقتارى (س ق و)، باياناۋىل (پاۆلودار وبل. )، كاتون-قاراعاي كۋرورتتىق ايماعى (ش ق و)، الاكول كۋرورتتىق ايماعى (اباي وبل.، جەتىسۋ وبل. )، تۇرگەن-قاسكەلەڭ تاۋ كلاستەرى (الماتى ق. ، الماتى وبل. )، «كوكساي resort» (جامبىل وبل. )، بالقاش (قاراعاندى وبل. )، تۇركىستان (تۇركىستان وبل. )، بايقوڭىر عارىش ايلاعى ( قىزىلوردا وبل. )، ۇلىتاۋ اۋىلى ( ۇلىتاۋ وبل. )، جىلى جاعاجاي (ماڭعىستاۋ وبل. )، سارايشىق قالاشىعى (اتىراۋ وبل. )، شىمكەنت - گاسترونوميالىق تۋريزم ورتالىعى (شىمكەنت ق. ) جانە تۋريستىك اۋدان (استانا ق. ).

ىشكى تۋريزم اعىنىنىڭ سەرپىندى ءوسۋىن ەسكەرە وتىرىپ، مينيسترلىك جەرگىلىكتى اتقارۋشى ورگاندارمەن بىرلەسىپ اتالعان تۋريستىك باعىتتاردا ينفراقۇرىلىمدى دامىتۋ بويىنشا جول كارتالارىن ازىرلەدى.

ەسكە سالا كەتسەك، تۋريزم جانە سپورت ءمينيسترى ەرمەك مارجىقپايەۆ ۆەدومستۆونىڭ تاياۋدا وتكەن كەڭەيتىلگەن القا وتىرىسىندا وتاندىق تۋريستىك ورىنداردىڭ ءتىزىمى توپ-10 نان، 20 عا دەيىن كەڭەيتىنى تۋرالى ايتقان ەدى.