تۋريزم: قازاقستاندا 9489 تۋراگەنت قىزمەت كورسەتەدى
استانا. KAZINFORM - ەلىمىزدەگى مەملەكەتتىك ەلەكتروندى رەەستردىڭ دەرەگىنە سايكەس «ە-ليتسەنزيالاۋ» پورتالىندا 9489 تۋراگەنت پەن 558 تۋروپەراتور تىركەلگەن.
سەنىمدى تۋريستىك اگەنتتىكتى قالاي تاڭداۋعا بولادى؟
ق ر ت س م تۋريزم يندۋسترياسى كوميتەتىنىڭ جانە جەرگىلىكتى اتقارۋشى ورگانداردىڭ ينتەرنەت-رەسۋرستارىندا تۋروپەراتورلاردىڭ، تۋراگەنتتەردىڭ، گيدتەردىڭ، ەكسكۋرسوۆودتاردىڭ جانە تۋريزم نۇسقاۋشىلارىنىڭ رەەسترى ورنالاستىرىلعان.
ساياحاتشى تۋريستىك كومپانيالارعا جۇگىنگەن كەزدە تۋراگەنتتىڭ قىزمەتى تۋرالى حابارلامانى جانە تۋروپەراتوردىڭ ليتسەنزياسى بار-جوعىن تەكسەرە وتىرىپ، بارلىق قاجەتتى قۇجاتتى تالاپ ەتۋگە قۇقىلى.
تۋريستىك كودتىڭ بولۋىنا نازار اۋدارعان ءجون
تۋركود - ءاربىر تۋريستكە كەپىلدىك رەتىندە تۋروپەراتور بەرەتىن بىرەگەي ءنومىر. ول تۋروپەراتور ءوز مىندەتتەرىن ورىنداۋ مۇمكىن بولماعان نەمەسە ورىنداماعان جاعدايدا ءتۋريستتى ەلگە قايتارۋدى قامتاماسىز ەتۋ ماقساتىندا بەرىلەدى. تۋريستىك ءونىمدى ساتۋ كەزىندە تۋروپەراتور العان قاراجاتتى پايدالانا وتىرىپ، تۋرلاردىڭ ەلەكتروندى رەەسترى اۆتوماتتى تۇردە تۋريستىك كودتى بەرەدى.
اۋە اشىقتىعى:
حالىقارالىق اۋە قاتىناسى 121 باعىت بويىنشا 28 ەلگە ورىندالادى.
تۋريستىك فيرمالاردىڭ قىزمەتىن باقىلاۋ:
تۋريزم يندۋسترياسى كوميتەتى تۋراگەنتتەردىڭ، تۋروپەراتورلاردىڭ، گيدتەردىڭ، ەكسكۋرسوۆودتاردىڭ جانە تۋريزم نۇسقاۋشىلارىنىڭ مەملەكەتتىك ەلەكتروندى رەەسترىن جۇرگىزەدى. بۇل ولاردىڭ قىزمەتىن تۇراقتى باقىلاۋعا جانە بارلىق نورماتيۆتىك تالاپتى ساقتاۋعا جول اشادى.
ەسكە سالا كەتەيىك، بۇعان دەيىن تۋريزم سالاسىنداعى نەگىزگى كاپيتالعا قوسىلعان ينۆەستيتسيا كولەمى ەكى ەسە ارتقانىن جازعان بولاتىنبىز.
