تۋريستىك ءىس-شارالار كۇنتىزبەسى: ساۋىردە قاي وڭىرلەرگە بارعان دۇرىس

استانا. KAZINFORM - ءساۋىر ايىندا ەلىمىزدە ءبىرقاتار اۋقىمدى تۋريستىك ءىس- شارا جوسپارلانعان، دەپ حابارلايدى تۋريزم جانە سپورت مينيسترلىگىنىڭ باسپا ءسوز قىزمەتى.

بۇل ايدا قازاقستان وتاندىق جانە شەتەلدىك تۋريستەردى كىتاپ، قولونەر جانە تەحنولوگيا الەمىن بىرىكتىرەتىن جارقىن وقيعالارمەن قارسى الادى.

- 22-26 ءساۋىر كۇندەرى استانادا Eurasian Book Fair حالىقارالىق كىتاپ كورمەسى وتەدى. كورمە اياسىندا جاڭا كىتاپتاردىڭ تانىستىرىلىمى، اۆتورلارمەن كەزدەسۋلەر جانە ءبىلىم بەرۋ سەسسيالارى ۇيىمداستىرىلادى.

- 23-24 ساۋىردە جامبىل وبلىسىندا «تاراز - قولونەرشىلەر قالاسى» ەتنومادەني فەستيۆالى ۇيىمداستىرىلادى. قوناقتار قولونەر كوشەسىن ارالاپ، شەبەرلىك ساباقتارىنا قاتىسىپ، حالىق شەبەرلەرىنىڭ بىرەگەي تۋىندىلارىمەن تانىسا الادى.

- 26 - ساۋىردە قوستاناي وبلىسىندا العاش رەت TechTrail Qostanai وتباسىلىق تەحنو-فەستيۆالى وتكىزىلەدى. باعدارلاماعا ينجەنەرلىك كۆەستتەر، ينتەراكتيۆتى زەرتحانالار جانە ءوندىرىس ورىندارىنا ەكسكۋرسيالار ەنگەن.

ەسكە سالا كەتەيىك، بيىل ەل بويىنشا 55 ءىرى مادەني-تۋريستىك ءىس-شارا جوسپارلانعان.

بۇدان بۇرىن حابارلانعانداي، ەلىمىزدە تۋريزم سالاسىندا كاسىبي ماماندار جەتىسپەيدى.