تەرروريزمدى ناسيحاتتاعان ۇلىتاۋ تۇرعىنىنا سوت ۇكىمى شىقتى

 ۇلتتىق قاۋىپسىزدىك كوميتەتى  ۇلىتاۋ ءوڭىرى تۇرعىندارىنىڭ بىرىنە قاتىستى تەرروريزمدى ناسيحاتتاپ، ءدىني الاۋىزدىقتى قوزدىرۋ مەن لاڭكەستىك توپتىڭ ارەكەتىنە قاتىسۋ فاكتىسى بويىنشا قىلمىستىق ءىستى تەرگەدى، دەپ حابارلايدى قازاقپارات.

كوميتەت مالىمەتىنشە ۇلىتاۋ وبلىسى ساتبايەۆ اۋداندىق سوتى تۇرعىندى وسى قىلمىستاردى جاساعانى ءۇشىن كىنالى دەپ تانىپ، 6 جىلعا باس بوستاندىعىنان ايىردى. سوتتالۋشى 2016 -جىلى وتباسىمەن بىرگە سيرياعا بارىپ، وندا «د ا ي ش» (قازاقستاندا تىيىم سالىنعان) قۇرامىندا بولعانىن تەرگەۋ انىقتادى.

قابىلدانعان شارالاردىڭ ناتيجەسىندە سودىردىڭ شەتەلدە جۇرگەن جەرى انىقتالىپ، سودان سوڭ شەتەلدىك سەرىكتەستەردىڭ كومەگىمەن ونى ۇستاۋعا جانە 2023 -جىلدىڭ ماۋسىم ايىندا ۇقك جاساعىمەن قازاقستانعا جەتكىزىلۋىنە مۇمكىندىك تۋدى.