تۇركىستاندا توڭازىتقىشتار وندىرىلە باستايدى

استانا. قازاقپارات- قازاقستاندا توڭازىتقىش ءوندىرىسى جولعا قويىلادى، دەپ حابارلايدى 24KZ.

زاۋىت تۇركىستانداعى ارنايى ەكونوميكالىق ايماقتا ورنالاسادى. بۇل تۋرالى حالىقارالىق بيزنەس- فورۋمدا بەلگىلى بولدى. شاراعا ۋكراينا، تۇركيا، قىتاي، گرۋزيا، ازەربايجان جانە وزبەكستاننىڭ ءىرى كومپانيا وكىلدەرى قاتىستى. بيىل تۇركىستان وبلىسىندا جالپى قۇنى 400 ميلليارد تەڭگەدەن اساتىن 57 ينۆەستيتسيالىق جوبا جۇزەگە اسىرىلماق.

فورۋم اياسىندا شەتەلدىك ينۆەستورلارعا ءوڭىردىڭ ەكونوميكالىق الەۋەتى مەن دامۋ مۇمكىندىكتەرى تانىستىرىلدى. ايماقتىڭ ينۆەستيتسيالىق پورتفەلىندە 4,5 ميلليارد دوللار بولاتىن 110 جوبا بار. ولاردى جۇزەگە اسىرۋ الداعى ءۇش جىلعا جوسپارلانعان.

ۆان چۋانگان، قىتايلىق ينۆەستور:

- يندۋستريالدى جانە ارنايى ەكونوميكالىق ايماقتاردىڭ جۇمىسىمەن تانىسىپ شىقتىم. كاسىپكەرلەر ءۇشىن جاسالعان جاعدايلار مەنى قىزىقتىرىپ وتىر. الداعى ۋاقىتتا وسى وڭىردەن ءتاتتى سۋسىندار شىعاراتىن زاۋىت اشساق دەگەن ويىمىز بار. ءتۇرلى ىدىستار دا شىعارۋعا بولادى.

سامات كوشكىنباي، كاسىپكەرلىك جانە ونەركاسىپ باسقارماسى باسشىسىنىڭ ورىنباسارى:

- ارنايى ەكونوميكالىق ايماقتاردا ءارتۇرلى سالىقتىق جەڭىلدىكتەر قاراستىرىلعان، دايىن جەر تەلىمى، ينفراقۇرىلىممەن قامتىلعان. جالپى بۇدان بولەك، قالادا كىشى وندىرىستىك پارك جوباسى قۇرىلعان. ونىڭ نەگىزىگى ماقساتى - ينۆەستورلارعا دايىن وندىرىستىك عيماراتتى ۇسىنۋ. وسى باعىتتاعى جۇمىستاردى تۇركىستان قالاسىندا عانا ەمەس، بارلىق اۋدان، قالالاردا جالعاستىرۋدى قولعا الىپ وتىرمىز.