تۇركىستاندا «ناۋرىزناما» ونكۇندىگى باستالدى
تۇركىستان. KAZINFORM - تۇركىستانداعى ەتنواۋىل كەشەنىندە امال مەرەكەسى اتالىپ ءوتتى.
تۇرعىندار ءبىر-ءبىرىن قىستان امان- ەسەن شىعۋىمەن قۇتتىقتاپ، ءتوس قاعىستى. 70 كە جۋىق جاس قولونەرشى ءوز تۋىندىلارىنان كورمە ۇيىمداستىرسا، ورتا ارناۋلى وقۋ ورىندارىنىڭ ستۋدەنتتەرى قازاقتىڭ ۇلتتىق تاعامدارىن ۇسىندى.
«قازاق ءارقاشان ناۋرىز مەرەكەسىن ەرەكشە اتاپ وتكەن. قىستان امان-ەسەن شىققانىنا شۇكىرلىك ەتىپ، جاقسىلىققا ءۇمىت ەتكەن. وسى ورايدا، ۇلتىمىزدىڭ مەرەيىن ءوسىرىپ، بار بولمىسىمىزدى ايشىقتايتىن قاسيەتتى -ناۋرىز مەرەكەسى بارشامىزعا قۇتتى بولسىن. ۇلىس وڭ، اق مول بولسىن!»، - دەدى تۇركىستان قالاسى اكىمى اپپاراتىنىڭ باسشىسى تالعات قىدىربايەۆ.
مازمۇندى مەرەكە قالالىق مادەنيەت ءۇيى ونەرپازدارىنىڭ كورىسۋ كۇنىنە ارنايى دايىنداعان قويىلىمىمەن جالعاستى.
اۆتور
قايرات زاينيشيەۆ
