تۇركىستاندا جاۋىن، ماڭعىستاۋدا قار - «قازگيدرومەت» بولجامى

استانا. KAZINFORM - «قازگيدرومەت» ر م ك 26-اقپانعا ارنالعان اۋا رايى بولجامىن ۇسىندى.

سينوپتيكتەر بولجامىنشا، سيكلوندار جانە ولارمەن بايلانىسقان فرونتالدى بولىكتەر ءالى دە قازاقستان رەسپۋبليكاسى اۋماعىنىڭ باسىم بولىگىنە ءوز اسەرىن تيگىزەتىن بولادى، جاۋىن- شاشىن (جاڭبىر، قار) كۇتىلەدى. تەك ەلىمىزدىڭ شىعىسىندا جاۋىن-شاشىنسىز اۋا رايى ساقتالادى. رەسپۋبليكا بويىنشا تۇمان، كوكتايعاق، جەلدىڭ كۇشەيۋى، بۇرقاسىن كۇتىلەدى.

- تۇندە اقتوبە وبلىسىنىڭ سولتۇستىك-شىعىسىندا، كۇندىز الماتى، تۇركىستان وبلىستارىنىڭ وڭتۇستىگىندە، تاۋلى اۋداندارىندا قاتتى جاۋىن-شاشىن (جاڭبىر، قار)، ماڭعىستاۋ وبلىسىنىڭ وڭتۇستىك-شىعىسىندا قاتتى قار كۇتىلەدى. كۇندىز الماتى وبلىسىنىڭ شىعىسىندا، جەتىسۋ وبلىسىنىڭ سولتۇستىك-شىعىسىندا، تاۋلى اۋداندارىندا جەلدىڭ 30 م/س جانە ودان اسا كۇشەيۋى كۇتىلەدى، - دەلىنگەن حابارلامادا.

بۇدان بۇرىن ەلىمىزدىڭ ءبىرقاتار وڭىرىندە داۋىلدى ەسكەرتۋ جاريالانعانى انىقتالدى.