تۇركىستانعا ساپارلايتىن اۋە رەيستەرى ارتادى - مينيسترلىك

استانا. KAZINFORM - تۇركىستان قالاسىنىڭ تۋريزمىن دامىتۋدىڭ بولەك كەشەندى جوسپارىن دايارلانادى. بۇل تۋرالى سەناتتىڭ جالپى وتىرىسىندا ق ر تۋريزم جانە سپورت ۆيتسە-ءمينيسترى ەرجان ەركىنبايەۆ ءمالىم ەتتى

- تۇركىستاندا تۋريزمدى دامىتۋعا كەدەرگى بولعان سەبەپتەردىڭ ءبىرى - ول حالىقارالىق ءارى ىشكى اۋە رەيستەردىڭ جەتىسپەۋى. ءبىراق سوعان قاراماستان، 2024 -جىلدىڭ قورىتىندىسى بويىنشا 2023 -جىلمەن سالىستىرعاندا شەتەلدەن كەلگەن تۋريستەردىڭ سانى 2 ەسە كوبەيدى. قازىر ەلىمىزدىڭ اۋە پاركىنە 16 جاڭا ۇشاق قوسىلايىن دەپ جاتىر. سوندىقتان كولىك مينيسترلىگىمەن بىرلەسە جۇمىس ىستەپ، تۇركىستانعا كەلەتىن رەيستەردىڭ سانىن كوبەيتۋگە تىرىسامىز، - دەدى ەرجان ەركىنبايەۆ سەناتورلاردىڭ سۇراعىنا جاۋاپ بەرە وتىرىپ.

ونىڭ ايتۋىنشا، مەملەكەت باسشىسىنىڭ تاپسىرماسى اياسىندا ءۇش وڭىردەگى تۋريزمدى دامىتۋدىڭ كەشەندى جوسپارلارى قابىلدانىپ جاتىر.

- تۇركىستاننىڭ ەرەكشە مارتەبەسىن ەسكەرە وتىرىپ، اتالعان ءۇش كەشەندى جوسپارمەن شەكتەلمەي، تۇركىستان قالاسىنىڭ تۋريزمىن دامىتۋدىڭ بولەك كەشەندى جوسپارىن دايارلاپ، بەكىتۋدى اۋىمدىكپەن كەلىستىك. وسى ورايدا سالاارالىق ماسەلەلەر مەن ءىس-شارالار جوسپارعا ەنگىزىلەدى، - دەدى ۆيتسە-مينيستر.

ەسكە سالساق، 2024 -جىلى پرەزيدەنت جولداۋىندا كاتونقاراعاي، زايسان جانە كەندىرلى وڭىرلەرىنىڭ دە تۋريستىك الەۋەتىن دۇرىس پايدالانۋ قاجەت ەكەنى ايتىلىپ، وسىنداي دەمالىس ايماقتارىندا ساپاسى جوعارى جول ينفراقۇرىلىمى بار اۋە بەكەتتەرى مەن اۋەجايلار سالۋ تاپسىرىلدى.