تۇركىستان وبلىسىندا جىل باسىنان بەرى 380 ادام جول اپاتىنان مەرت بولعان

جول اپاتى
فوتو: تۇركىستان وبلىسى پ د

 تۇركىستان وبلىسىندا جىل باسىنان بەرى جول-كولىك وقيعالارىنان 380 ادام مەرت بولعان، دەپ حابارلايدى Kazinform. 

تۇركىستان وبلىسىندا ەرەكشە اكسيا باستالدى.

ياعني، اپاتقا ۇشىراپ، جارامسىز بولىپ قالعان كولىكتەردى تيەگەن ەۆاكۋاتورلار قالا كوشەلەرىن ارالاپ، جول قاۋىپسىزدىگىنىڭ سالدارىن كورسەتىپ جاتىر.

سونداي-اق، «جىلدامدىقتى اسىرماڭىز، ءسىزدى ۇيدە وتباسىڭىز كۇتىپ وتىر»، «قاراما-قارسى باعىتقا شىقپاڭىز، بۇل ءسىزدىڭ جانە وزگەلەردىڭ ومىرىنە قاۋىپتى»، «ويلانىڭىز، ماس بولىپ كولىك جۇرگىزۋ اسا قاۋىپتى» دەپ كولىككە جازىلعان سوزدەر دە بىردەن كوزگە تۇسەدى.

پوليتسەيلەر داۋىس زورايتقىش ارقىلى جول-كولىك وقيعاسىنىڭ الدىن الۋ باعىتىندا ەسكەرتپە ايتىپ ءجۇر.

дтп
فوتو: تۇركىستان وبلىسى پ د

 

«تۇركىستان وبلىسى پوليتسيا دەپارتامەنتىنىڭ باستاماسىمەن وبلىس ورتالىعىندا اسا ماڭىزدى اكسيا ۇيىمداستىرىلىپ وتىر. وسى ارقىلى تۇرعىندارعا وي سالىپ، جول اپاتىنىڭ سالدارى وتە اۋىر ەكەنىن ەلدىڭ ساناسىنا جەتكىزۋگە تىرىسىپ جاتىرمىز. تۇركىستان قالاسىنان باستاۋ العان اكسيا ءبىر اپتا جالعاسادى. وبلىستاعى 17 قالا-اۋداندا دا وتكىزىلىپ، تۇسىندىرمە جۇمىسىن جۇرگىزەمىز»، - دەيدى تۇركىستان وبلىسى پوليتسيا دەپارتامەنتىنىڭ باسپا ءسوز حاتشىسى گۇلنار ءابدىجاپپاروۆا.

اۆتور

قايرات زاينيشەۆ

سوڭعى جاڭالىقتار