تۇركىستان وبلىسىندا جاسى 100 دەن اسقان قانشا انا بار
تۇركىستان. KAZINFORM - ەڭ ۇزاق جاسايتىن تۇرعىندار تولەبي اۋدانىندا تۇرادى.
تۇركىستان وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى ۇسىنعان مالىمەتكە سۇيەنسەك، وڭىردە جاسى جۇزدەن اسقان 57 ادام تىركەلگەن. ونىڭ 51 ءى اق جاۋلىق اجە بولسا، التاۋى ەر ادام.
سونداي-اق، عاسىرمەن قۇرداس 10 ادام بار بولسا، 101-106 جاس ارالىعىندا 45 ادام تۇرادى. ال، جەتىساي قالاسىنىڭ تۇرعىنى ەڭ ۇزاق جاساعان اق جاۋلىقتى اجە اتانىپ وتىر. كەيۋانا بيىل 110 جاسقا تولسا، قازىعۇرتتىق قاريا 108-كوكتەمىن قارسى الماق.
عاسىر جاساۋشىلاردىڭ كوپشىلىگى تولەبي اۋدانىندا قونىستانعان. ياعني، مۇندا جاسى 100 دەن اسقان 9 ازاماتشا بار. مۇنان كەيىنگى ورىندا جەتىساي، قازىعۇرت، تۇلكىباس، سارىاعاش، بايدىبەك اۋداندارى تۇر.
ايتا كەتەيىك، بۇدان بۇرىن ەلىمىزدىڭ قاي وڭىرىندە قىز-كەلىنشەكتەر كوپ تۇراتىنىن جازعان بولاتىنبىز.
