تۇركىستان وبلىسىندا حالىقتىڭ 74 پايىزى اۋىلدا تۇرادى

تۇركىستان. KAZINFORM - بيىلعى جىلدىڭ باستى جاڭالىعىنىڭ ءبىرى - تۇركىستانعا ەرەكشە مارتەبەنىڭ بەرىلۋى بولدى.

بيىل تۇركىستان وبلىسىنىڭ قۇرىلعانىنا 7 جىل تولادى. 2018-جىلى شىمكەنت رەسپۋبليكالىق ماڭىزى بار قالا مارتەبەسىن الىپ، وڭتۇستىك قازاقستان وبلىسىنىڭ قۇرامىنان الىندى.

ال، جاڭا وبلىسقا تۇركىستان اتاۋى بەرىلىپ، ورتالىعى تۇركىستان قالاسىنا كوشىرىلدى. بۇگىندە وبلىس حالقىنىڭ سانى 2,1 ميلليوننان اسادى.

سولتۇستىگىندە ۇلىتاۋ، شىعىسىندا جامبىل، باتىسىندا قىزىلوردا وبلىستارىمەن، وڭتۇستىگىندە وزبەكستانمەن شەكتەسەتىن وڭىردە ءوندىرىس وركەندەپ، تۋريزم مەن كاسىپكەرلىك سالاسى دامىپ كەلەدى.

وبلىس قۇرامىندا 14 اكىمشىلىك اۋدان، 4 قالالىق اكىمدىك، 7 قالا، 13 كەنت، 171 اۋىلدىق وكرۋگ، 932 اۋىل بار.

حالىق سانى جانە كوشى-قون

ستاتيستيكالىق مالىمەتتەرگە سۇيەنەر بولساق، بيىلعى جىلعى 1-اقپانعا وبلىس حالقىنىڭ سانى 2154,1 مىڭ ادامدى قۇراپ وتىر.

سونىڭ ىشىندە قالالىقتاردىڭ ۇلەسى - 542,3 مىڭ ادام (25,2 پايىز) بولسا، اۋىلدىقتاردىڭ ۇلەسى - 1611,8 مىڭ ادام (74,8 پايىز).

حالىقتىڭ تابيعي ءوسىمى 2025-جىلعى قاڭتاردا 2954 ادامدى قۇرادى. ەسەپتى كەزەڭدە 3729 ءسابي دۇنيەگە كەلسە، 775 ادام قايتىس بولدى.

وڭىردە سىرتقى كوشى-قوندا وڭ كوشى-قون ايىرماسى قالىپتاسىپ وتىر.

ەڭبەك جانە تابىس

وتكەن جىلدىڭ 4-توقسانىندا وبلىستاعى جۇمىسسىزدار سانى 40,9 مىڭ ادام بولدى. ال، بيىلعى 1-ناۋرىزعا دەيىن 42-885 ادام جۇمىسپەن قامتۋ ورگاندارىندا جۇمىسسىز رەتىندە تىركەلدى.

2024-جىلعى IV توقساندا قىزمەتكەرلەرگە ەسەپتەلگەن ورتاشا ايلىق اتاۋلى جالاقى - 304325 تەڭگە بولدى.

2024-جىلعى IV توقساندا ناقتى جالاقى يندەكسى 101,4 پايىز بولىپ قالىپتاستى.

بيزنەس جانە اۋىل شارۋاشىلىعى

تۇركىستان وبلىسى - بيزنەسكە باعدارلانعان ايماق. وڭىردە 210 مىڭنان استام شاعىن جانە ورتا بيزنەس وكىلى جۇمىس ىستەيدى. ونىڭ 80 مىڭنان استامى - شارۋاشىلىق جانە فەرمەرلىك قوجالىقتار.

سوڭعى 6 جىلدا ۇكىمەتتىڭ جانە وبلىس اكىمىنىڭ قولداۋىنىڭ ارقاسىندا وڭىردە ينۆەستيتسيا تارتۋ بويىنشا اۋقىمدى شارالار اتقارىلدى. ماسەلەن، 2018-جىلدان بەرى وبلىسقا شامامەن 9 ميلليارد ا ق ش دوللارى كولەمىندە ينۆەستيتسيا تارتىلدى.

ينۆەستيتسيا ونەركاسىپ، جىلجىمايتىن مۇلىك، اۋىل شارۋاشىلىعى، تۋريزم جانە جاڭارتىلاتىن ەنەرگيا كوزدەرى سياقتى سالالارعا باعىتتالىپ وتىر.

2025-جىلعى قاڭتار-اقپان ايلارىندا ونەركاسىپ ءوندىرىسىنىڭ كولەمى قولدانىستاعى باعامەن 216056,9 ميلليون تەڭگەنى قۇرادى، بۇل 2024-جىلعى قاڭتار-اقپانمەن سالىستىرعاندا 9,3 پايىزعا كوپ.

تاۋ-كەن ءوندىرۋ ونەركاسىبىندە ءوندىرىس كولەمى - 12 پايىز، وڭدەۋ ونەركاسىبىندە - 1,9 پايىز، ەلەكتر ەنەرگياسىمەن، گازبەن، بۋمەن، ىستىق سۋمەن جانە كونديتسيونەرلەنگەن اۋامەن جابدىقتاۋدا - 38,1 پايىز ءوستى، ال سۋمەن جابدىقتاۋدا، قالدىقتاردى جيناۋدا، وڭدەۋدە جانە جويۋدا، لاستانۋدى جويۋ جونىندەگى قىزمەتتەر 8,9 پايىز كەمىدى.

اۋىل شارۋاشىلىعى ونىمدەرىنىڭ جالپى شىعارىلىمى 74 332,8 ميلليون تەڭگە بولدى. ال، جۇك اينالىمىنىڭ كولەمى 4 126,4 ميلليون تەكشە مەترگە جەتتى.

ەكونوميكا

قازىرگى تاڭدا تۇركىستان وبلىسى ەلىمىزدىڭ قارقىندى دامىپ كەلە جاتقان ءوڭىردىڭ ءبىرى جانە ۇلكەن ينۆەستيتسيالىق، تۋريستىك الەۋەتكە يە. تۇركىستان وبلىسى ارقىلى وتەتىن «باتىس ەۋروپا - باتىس قىتاي» حالىقارالىق كولىك ءدالىزى الەمدىك نارىققا شىعۋدىڭ جاڭا مۇمكىندىكتەرىن اشادى.

ايماقتىڭ اگروونەركاسىپتىك كەشەنى ەلىمىزدە كوش باستاپ تۇر. رەسپۋبليكاداعى جالپى ءونىم كولەمىنىڭ 13 پايىزى وڭىرگە تيەسەلى نەمەسە 1 تريلليون تەڭگەدەن استام قارجىنىڭ ءونىمى وندىرىلەدى.

سونداي-اق، وڭىردە «TURAN» ارنايى ەكونوميكالىق ايماعى جانە يندۋستريالدى ايماقتار سياقتى ينۆەستيتسيالىق الاڭدار جۇمىس ىستەپ تۇر.

جۋىردا ساۋران اۋدانىنداعى شاعىن ونەركاسىپتىك پارك اۋماعىندا «UBC» حالىقارالىق كومپانياسىنىڭ توڭازىتقىش شىعاراتىن «JASYL SUYQ QAZAQSTAN» زاۋىتى ىسكە قوسىلدى.

العاشقى كەزەڭدە زاۋىت جىلىنا 40 مىڭ دانا ساۋدا توڭازىتقىشىن شىعارۋدى جوسپارلاپ وتىر. قازىردىڭ وزىندە مۇندا 350 گە جۋىق ادام جۇمىسپەن قامتىلعان. جوبا تولىق ىسكە قوسىلعاندا 1000 عا جۋىق جاڭا جۇمىس ورنى اشىلادى.

ال، سوزاق پەن وتىرار اۋدانىندا ۋران ءوندىرىسى دامىپ جاتىر. ماقتاارال، جەتىساي ايماعىندا اۋىل شارۋاشىلىعى قارقىن السا، كەنتاۋ مەن ورداباسىدا ءوندىرىس وركەندەپ جاتىر.

بايدىبەك پەن سايرامدا مال ۇستاۋشىلار كوبەيگەن. جالپى العاندا وبلىستىڭ ءار ايماعىندا ءتۇرلى باعىتتا جۇمىس قارقىنى ارتقان.

2024-جىلعى قاڭتار- قىركۇيەكتەگى جالپى وڭىرلىك ءونىم كولەمى - قولدانىستاعى باعامەن 3162813,7 ميلليون تەڭگە. 2023-جىلعى قاڭتار-قىركۇيەكپەن سالىستىرعاندا ناقتى ج و ءو 7,2 پايىز ءوستى.

ازىق-تۇلىك تاۋارلارىنىڭ باعاسى - 3,1 پايىز، ال ازىق- تۇلىك ەمەس تاۋارلاردىڭ باعاسى - 1,9 پايىز، حالىققا كورسەتىلەتىن اقىلى قىزمەتتەر - 0,4 پايىز ءوستى.

الدىن الا دەرەكتەر بويىنشا 2025-جىلعى قاڭتاردا ە ا ە و ەلدەرىمەن ءوزارا ساۋدا 28,7 ميلليون ا ق ش دوللارىن قۇراپ، 2024-جىلعى قاڭتارمەن سالىستىرعاندا 78,4 پايىز كوبەيدى. ونىڭ ىشىندە ەكسپورت - 7,4 ميلليون ا ق ش دوللارى، يمپورت - 21,3 ميلليون ا ق ش دوللارى.