11:56, 29 - قىركۇيەك 2023 | GMT +5
تۇركىستان وبلىسىندا دەسترۋكتيۆتى ءدىني اعىمنىڭ جاقتاۋشىلارى ۇستالدى
تۇركىستان وبلىسىندا حالىقارالىق ىزدەۋدە جۇرگەن دەسترۋكتيۆتى ءدىني اعىمنىڭ جاقتاۋشىلارى ۇستالدى، دەپ حابارلايدى قازاقپارات.

ءى ءى م باسپا ءسوز قىزمەتى 2021 -جىلدان بەرى حالىقارالىق ىزدەۋدە جۇرگەن 54 جاستاعى وزبەكستان ازاماتى وتىرار اۋدانىندا ۇستالعانىن مالىمدەدى. ەر ادام ءوز ەلىندە «ۇرلىق» بابى بويىنشا كوزدەلگەن اۋىر قىلمىس جاساعانى ءۇشىن ىزدەستىرىلگەن.
ءبىر تاۋلىكتەن كەيىن الاياقتىق جاساعانى ءۇشىن حالىقارالىق ىزدەۋدە جۇرگەن 33 جاستاعى وزبەكستاننىڭ تاعى ءبىر ازاماتى ۇستالدى. ىزدەۋدە جۇرگەن ەكى قىلمىسكەر دە دەسترۋكتيۆتى ءدىني اعىمنىڭ جاقتاۋشىسى رەتىندە ەسەپتە تۇر.
ولارعا قاتىستى ءتيىستى پروتسەسسۋالدىق شەشىم قابىلداناتىن بولادى.