تۇركىستان وبلىسىندا «اۋىلداعى ءبىر كۇنىم» جوباسى ءوتىپ جاتىر
استانا. KAZINFORM -بۇگىن تۇركىستان وبلىسىندا جاستار رەسۋرستىق ورتالىعىنىڭ باستاماسىمەن «اۋىلداعى ءبىر كۇنىم» بايقاۋى باستالدى. وعان 13 كوماندا قاتىسادى.
بۇل تۋرالى ق ر مادەنيەت جانە اقپارات مينيسترلىگىنىڭ باسپا ءسوز قىزمەتى مالىمدەدى.
جوبانىڭ باستى ماقساتى - جاستار اراسىندا قازاقتىڭ ءتول مادەنيەتىن، ۇلتتىق سالت-داستۇرلەرىن ناسيحاتتاۋ، رۋحاني- ادامگەرشىلىك قاسيەتتەردى دامىتۋ.
«بايقاۋ قازىعۇرت اۋدانىنداعى تۇمسا تابيعات اياسىندا ءوتىپ جاتىر. قاتىسۋشىلارعا اسەرلى بولۋى ءۇشىن، ەتنو-اۋىل قۇرىلدى. جىگىتتەر ساداق اتۋ، ارقان تارتۋ سياقتى ۇلتتىق ويىنداردا باق سىنايدى. قىزدار اسپازدىق قابىلەتتەرىن كورسەتەدى. ولار قۇرت پەن ەت قامىرىن جايىپ، ۇلكەندەردىڭ باعاسىن الادى»، - دەلىنگەن حابارلامادا.
سوڭعى كەزەڭدە زياتكەرلىك ويىن ۇيىمداستىرىلادى، سايىسقا قاتىسۋشىلارعا قازاقستاننىڭ مادەنيەتى مەن تاريحى تۋرالى سۇراقتار قويىلادى.
جۇلدەگەر كوماندالار اقشالاي سىيلىقتارعا يە بولادى. ايتا كەتەيىك، «اۋىلداعى ءبىر كۇنىم» بايقاۋى العاش رەت 2023 -جىلى ءوتتى.
