20:46, 31 - مامىر 2024 | GMT +6
تۇركىستان وبلىسىندا اۋىل ىشىندە جۇرگەن ايۋ بەينەكامەراعا ءتۇسىپ قالدى
تۇركىستان. KAZINFORM - ايۋدى جەرگىلىكتى تۇرعىندار كولىكپەن قۋىپ، اۋىل اۋماعىنان شىعارىپ جىبەرگەن.
جەلىگە جۇكتەلگەن ۆيدەوعا پىكىر جازۋشىلار جابايى اڭدى ماشات شاتقالىنان كەلدى دەپ بولجاعان. ال، ۆيدەونى كورگەن «سىرداريا- تۇركىستان» مەملەكەتتىك وڭىرلىك تابيعي پاركىنىڭ عىلىمي قىزمەتكەرى عاني نازاربەك ايۋ قونجىعىن ىزدەپ كەلگەن بولۋى مۇمكىن دەگەن پىكىر ءبىلدىردى.
«ولار ادەتتە اداسا قويمايدى جانە توسىن جاعدايلاردان ۇركىسە اۋىلعا كەلمەيدى. نەگىزى ماشات شاتقالىندا ايۋ جوق. ودان ارمەن قاراي ورنالاسقان اقسۋ كانونىندا عانا بار. مەنىڭشە، ايۋ اۋىلعا قونجىعىن ىزدەپ كەلدى. بىزدە كەي اۋىلدىڭ تۇرعىندارى قونجىقتى اتىپ الادى نەمەسە تىرىدەي ۇستاپ، ۇيىنە الىپ كەتەدى. سونداي جاعدايلاردان كەيىن ايۋ قونجىعىنىڭ ىزىنە تۇسكەن بولۋى مۇمكىن»- دەيدى عاني نازاربەك.
