تۇركىستان وبلىسىندا 6 ايدا 60 مىڭنان استام ادام جۇمىسپەن قامتىلدى
استانا. KAZINFORM - بۇگىن تۇركىستاندا حالىقتى جۇمىسپەن قامتۋ جانە جۇمىس ورىندارىن قۇرۋ، از قامتىلعان وتباسىلار سانىن ازايتىپ، كاسىپكە باۋلۋ ماسەلەلەرى تالقىلانعان ءماجىلىس ءوتتى. جيىنعا جۇمىسپەن قامتۋ باسقارماسىنىڭ باسشىلىعى مەن قىزمەتكەرلەرى قاتىستى.
باياندامالار مەن ەسەپتەر تىڭدالدى. حالىقتى جۇمىسپەن قامتۋ سالاسىنداعى وزەكتى ماسەلەلەر مەن كەدەيلىك كورسەتكىشىن تومەندەتۋ شارالارى كەڭىنەن تالقىلانعان جينالىستا وبلىس اكىمىنىڭ ورىنباسارى بەيسەنباي تاجىبايەۆ بۇل باعىتتاعى جۇمىستاردى ءالى دە شيراتا ءتۇسۋ كەرەكتىگىن ەسكەرتتى.
- بيىل بەكىتىلگەن ينديكاتوردىڭ تولىق ورىندالۋىن قامتاماسىز ەتۋ قاجەت. اۋدان، قالا اكىمدىگىندەگى جاۋاپتىلارعا «وڭىرلىك جۇمىسپەن قامتۋ كارتاسىندا» كورسەتىلگەن مەجەلەرگە قول جەتكىزۋدى تاپسىرامىن. مۇمكىندىگى شەكتەۋلى جانداردى جۇمىسپەن قامتۋداعى جانە مەملەكەتتىك باعدارلامالاردى ورىنداۋ بارىسىندا انىقتالعان كەمشىلىكتەر جويىلسىن. كەدەيلىكتى تومەندەتۋ شارالارى جۇيەلى تۇردە جۇرگىزىلسىن. اتاۋلى الەۋمەتتىك كومەك الۋشىلاردىڭ ىشىندەگى ەڭبەككە جارامدى ازاماتتاردىڭ تابىسىن ارتتىرۋ ماقساتىندا جۇمىسپەن قامتۋ شارالارىنىڭ بەلسەندى تۇرلەرىنە تارتىپ، تۇراقتى جۇمىسقا شىنايى ورنالاسۋىن قاداعالاڭىزدار. اتالعان كومەكتى تاعايىنداۋدىڭ زاڭدىلىعىنا زەردەلەۋ جۇمىستارىن جۇرگىزۋ كەرەك. جۇمىستى شيراتىڭىزدار. باياندامادا ايتىلعان ماسەلەلەردى شەشۋ بويىنشا ءتيىستى جۇمىس جۇرگىزىلسىن. كەيبىر اۋدانداردا جۇمىسپەن قامتۋ دەڭگەيى تومەن. اۋدانداردا جۇمىسپەن قامتۋ باعىتىندا ناسيحات- ءتۇسىندىرۋ جۇمىستارى جۇرگىزىلىپ، مالىمەتتەر ۇسىنىلسىن، - دەدى ب. تاجىبايەۆ.
ماجىلىستە وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ مىندەتىن اتقارۋشى ت. قۇدايبەرگەنوۆ، وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى ك. ميروۆا، وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى ن. نۇراشوۆ وزدەرىنە بەكىتىلگەن سالالار بويىنشا بايانداما جاسادى.
جيىن بارىسىندا وبلىس اكىمىنىڭ ورىنباسارى بەيسەنباي تاجىبايەۆتىڭ تاراپىنان حالىقتى جۇمىسپەن قامتۋ، جاستاردى شاعىن نەسيەلەۋ جۇمىستارىن ۇيىمداستىرۋ، از قامتاماسىز ەتىلگەن ازاماتتارعا الەۋمەتتىك جاعىنان قولداۋ كورسەتۋ، مۇگەدەكتىگى بار ادامداردىڭ ارناۋلى الەۋمەتتىك قىزمەتتەرمەن قامتىلۋىن رەتتەۋ جانە دە سالاداعى وزگە دە ماسەلەلەردى شەشۋ جونىندە تاپسىرمالار بەرىلدى. سونداي- اق باياندامادا ايتىلعان كورسەتكىشتەرى تومەن اۋداندارعا ەسكەرتۋ بەرىلىپ، جۇمىستى جانداندىرۋ جونىندە تاپسىرمالار بەرىلدى.
ايتا كەتەيىك، تۇركىستان وبلىسىندا بيىل 118,9 مىڭ جۇمىس ورنىن اشۋ بويىنشا وبلىس باسشىسىنىڭ باستاماسىمەن «وڭىرلىك جۇمىسپەن قامتۋ كارتاسى» بەكىتىلدى. ونىڭ ىشىندە 108 مىڭ ادامدى تۇراقتى جانە ۋاقتىشا جۇمىس ورىندارىنا، 3,7 مىڭ ادامدى ۇلتتىق جوبالار مەن باعدارلامالاردا اشىلاتىن جۇمىس ورىندارىنا جولداۋ جانە 7,2 مىڭ ادامعا گرانت پەن شاعىن نەسيە بەرۋ كوزدەلگەن.
بيىلعى I جارتىجىلدىق جوسپارىنا سايكەس 69,6 مىڭ ادامدى جۇمىسپەن قامتۋ جوسپارلانىپ، ناقتى 60,4 مىڭ ادام جۇمىسپەن قامتۋ شارالارىنا جولداندى. تيىسىنشە، I جارتىجىلدىق جوسپار 86,8 پايىز ورىندالدى. ودان بولەك، از قامتىلعان ازاماتتاردىڭ تابىستارىن ارتتىرۋ ارقىلى كەدەيلىكتى تومەندەتۋ بويىنشا جۇمىستار دا جالعاسۋدا. بيىل 116,2 مىڭ ادامدى اتاۋلى الەۋمەتتىك كومەكپەن قامتاماسىز ەتۋگە بيۋجەتتەن 12,2 ميلليارد تەڭگە ءبولىندى.
سونداي-اق كەدەيلىك دەڭگەيىن تومەندەتۋ جونىندە اۋدان، قالا اكىمدەرىمەن مەموراندۋمدار ءتۇزىلىپ، ا ا ك كورسەتۋدىڭ 2024-جىلعا جوسپارى بەكىتىلدى. 1-شىلدەدەگى جاعدايى بويىنشا 13,569 مىڭ وتباسىعا نەمەسە 81,2 مىڭ ادامعا 3,8 ميلليارد تەڭگەگە ا ا ك تاعايىندالىپ، از قامتىلعان ازاماتتاردىڭ ۇلەسى وبلىس حالىق سانىنىڭ %3,8 قۇراپ وتىر.
تۇركىستان وبلىسىندا 99,2 مىڭنان استام مۇگەدەكتىگى بار ازاماتتار ەسەپتە تۇر. بيىل وبلىستا مۇگەدەكتىگى بار ازاماتتارعا الەۋمەتتىك قولداۋ كورسەتۋ ءۇشىن بارلىق دەڭگەيدەگى بيۋدجەتتەر ەسەبىنەن 12,3 ميلليارد تەڭگە بولىنگەن.
