تۇركىستان قالاسىنىڭ ديزاين- كودى بەكىتىلدى
تۇركىستان. KAZINFORM - رەسمي قۇجات جاريالانعان باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
«تۇركىستان قالاسىنىڭ ەرەكشە مارتەبەسى تۋرالى» ق ر زاڭىنىڭ 8-بابىنىڭ 2) تارماقشاسىنا سايكەس، تۇركىستان قالالىق ءماسليحاتى شەشىم قابىلدادى. تۇركىستان قالاسىنىڭ ديزاين- كودى وسى شەشىمنىڭ قوسىمشاسىنا سايكەس بەكىتىلدى.
- ديزاين- كود - بۇل قالالىق كەڭىستىك ەلەمەنتتەرىنىڭ مىندەتتى ۆيزۋالدى قۇرامداس ەلەمەنتتەرىن رەتتەيتىن تالاپتار جيناعى: عيماراتتار مەن قۇرىلىستاردىڭ قاسبەتتەرى، اباتتاندىرۋ، ماڭدايشالار، نۇسقاعىشتار، شاعىن ساۋلەت نىساندارى جانە ءبىرتۇتاس ەستەتيكالىق ساۋلەتتى، جايلى، قولجەتىمدى جانە قاۋىپسىز قالالىق ورتانى قالىپتاستىرۋعا باعىتتالعان قالالىق ينفراقۇرىلىمنىڭ ەلەمەنتتەرى، - دەلىنگەن قۇجاتتا.
سونداي-اق، ديزاين كود ساۋلەت-لاندشافت ورتاسىن قالىپتاستىرۋ، كوشەلەردىڭ، ماگيسترالداردىڭ، تۋريستىك مارشرۋتتاردىڭ، قالانىڭ باسقا اۋماقتارىنىڭ سىرتقى كورىنىسى تۇجىرىمداماسىن بەزەندىرۋ جانە اباتتاندىرۋ ەلەمەنتتەرىن ورنالاستىرۋ تالاپتارىن، سونداي-اق عيماراتتار مەن قۇرىلىستاردىڭ قاسبەتتەرىن بەزەندىرۋ تالاپتارىن قامتيتىندىعى ايتىلعان.
تاريحي ورتالىقتىڭ شەكارالارىندا، سونداي-اق تاريح جانە مادەنيەت ەسكەرتكىشتەرىنىڭ قورعاۋ ايماقتارىندا بارلىق قالا قۇرىلىسى وبەكتىلەرى مەن ولاردىڭ سيپاتتامالارى، مادەني جانە تاريحي قۇندىلىعى ساقتالۋى ءتيىس.
- ديزاين كود تۇركىستان قالاسىنىڭ اۋماعىندا ساۋلەت، قالا قۇرىلىسى جانە قۇرىلىس قىزمەتىن جۇزەگە اسىرۋ بارىسىندا مەملەكەتتىك ورگاندار مەن بارلىق مەنشىك نىسانىنداعى ۇيىمدار اراسىندا تۋىندايتىن قاتىناستاردى رەتتەيدى، جايلى جانە قاۋىپسىز قالالىق ورتانى، اۋماقتىق جوسپارلاۋدىڭ نەگىزگى مودەلدەرىن جانە جوسپارلاۋ قۇرىلىمىن ۇيىمداستىرۋعا قويىلاتىن تالاپتاردى قالىپتاستىرۋعا باعىتتالعان، - دەلىنگەن ءماسليحات شەشىمىندە.
ايتا كەتەيىك، بۇدان بۇرىن تۇركىستان وبلىسىندا حالىقتىڭ 74 پايىزى اۋىلدا تۇراتىندىعىن جازعان بولاتىنبىز.
