تۇركىستان قالاسىندا 4 جاسار بالانى ىزدەۋگە اسكەريلەر جۇمىلدىرىلدى

تۇركىستان قالاسىندا 4 جاسار بالانى ىزدەۋگە اسكەريلەر جۇمىلدىرىلدى، دەپ حابارلايدى Kazinform.

تۇركىستان قالاسىندا 4 جاسار بالا تابىلماي جاتىر. ءۇش كۇن الدىن ەسىك الدىنا ويناۋعا شىققان ول ۇيىنە قايتا ورالماعان.

جوعالعان ءبۇلدىرشىندى تابۋعا اسكەريلەر جۇمىلدىرىلدى.

قازىرگى ۋاقىتتا ۇلتتىق ۇلاننىڭ ساربازدارى ءتارتىپ ساقشىلارىمەن بىرگە جۇيەلى تۇردە جان-جاقتى ىزدەستىرۋ جۇمىستارىن جۇرگىزىپ جاتىر.

«وبلىستاعى 17 قالا، اۋدانعا ءبۇلدىرشىننىڭ جەكە باسى مەن ءتۇر-تۇلعاسى بويىنشا مالىمەتتەر جىبەرىلدى. پوليتسيانىڭ جەكە قۇرامى مەن ءيىسشىل يتتەر، اسكەريلەر مەن ەرىكتىلەر جانە جەدەل ۋاكىلدەردەن قۇرالعان ارنايى توپ جان جاقتى جۇمىس ىستەپ جاتىر. ىزدەۋگە درون اپاراتى قولدانىلۋدا»، - دەدى تۇركىستان وبلىسى پوليتسيا دەپارتامەنتىنىڭ باسپا ءسوز قىزمەتىنىڭ باسشىسى گۇلنار ءابدىجاپپاروۆا.

ايتا كەتەيىك، بۇدان الدىن تۇركىستاندا ءتورت جاسار بالانى جوعالىپ كەتكەنىن جازعان بولاتىنبىز.

كەيىن ءبۇلدىرشىندى ىزدەۋگە درون مەن ءيىسشىل يتتەر تارتىلدى.

باقىت ايبار الديار ۇلى 2019-جىلى تۋعان. بويى 60-65 سانتيمەتر، شاشى قارا-قوڭىر ءتۇستى. ۇستىندە سۇر ءتۇستى تورلى جەيدە، قوڭىر ءتۇستى شالبار، اياعىندا رەزەڭكە اياق كيىم (گالوش) بولعان. كورگەن-بىلگەن ادامدار بولسا، شۇعىل پوليتسيانىڭ كەزەكشى بولىمىنە 87253359765، 872533974094 نەمەسە 77014596666+، 77026376600+، 77759962793+، سونداي-اق 102 نومىرىنە حابارلاسۋدى سۇرايمىز.