تۇركىمەنستاننىڭ اناۋ قالاسى - تۇركى الەمىنىڭ مادەني استاناسى
اناۋ. KAZINFORM - ق ر پرەزيدەنتىنىڭ ت ر ك وكىلدەرى 2024 -جىلعى تۇركى الەمىنىڭ مادەني استاناسىن جاريالاۋ ءىس-شارالارىنا قاتىستى.
26-ناۋرىزدا اشحابادتا تۇركىمەنستاننىڭ اناۋ قالاسىنىڭ 2024 -جىلعى تۇركى الەمىنىڭ مادەني استاناسى بولىپ جاريالانۋىنا بايلانىستى ءىس-شارالار باستالدى. اشىلۋ سالتاناتى «نوۆرۋز يايلاسى» الاڭىنداعى كونسەرت زالىندا ءوتتى.
ق ر پرەزيدەنتىنىڭ تەلەراديوكەشەنى قىزمەتكەرلەرى اناۋ قالاسىنىڭ قۇرمەتتى مارتەبەسىن جاريالاۋعا ارنالعان ءىس-شارالارعا قاتىستى.
تۇركىمەنستاننىڭ اناۋ قالاسىن 2024 -جىلعى تۇركى الەمىنىڭ مادەني استاناسى دەپ جاريالاۋ تۋرالى شەشىم تۇركسوي ۇيىمىنا قاتىسۋشى ەلدەر مادەنيەت مينيسترلەرى تۇراقتى كەڭەسىنىڭ 39-وتىرىسىنىڭ قورىتىندىسى بويىنشا قابىلداندى.
ەستەرىڭىزگە سالا كەتەيىك، تۇركى الەمىنىڭ مادەني استاناسىن جىل سايىنعى سايلاۋ تۋرالى شەشىم 2010 -جىلى تۇركىتىلدەس مەملەكەتتەر باسشىلارىنىڭ x سامميتىندە قابىلدانعان بولاتىن. استانا 2012 -جىلى تۇڭعىش مادەني استانا بولىپ اتالدى. بۇل قۇرمەتتى مارتەبە جىلدار بويى ەسكىشەحير، قازان، مارى، شەكي، تۇركىستان، كاستامون، وش، حيۋا، بۋرسا، شۋشا قالالارىنا بەرىلدى.
سونداي-اق 28-ناۋرىز كۇنى اشحابادتا تۇركىمەن اقىنى ماقتىمق ۇلى فراگيدىڭ تۋعانىنا 300 جىل تولۋىنا ارنالعان «تۇركىمەن جەرى - كونە مادەنيەتتەر ورتالىعى» اتتى حالىقارالىق باسپا ءسوز كونفەرەنسياسى جوسپارلانعان.
