تۇركيانىڭ 80-نەن اسا كينوتەاترىندا قازاق كينوسى كورسەتىلەدى

استانا. KAZINFORM - ستامبۇلدا قازاقستاندىق «پوچتي ماچو» كومەدياسىنىڭ تۇركيالىق اقپارات قۇرالدارى وكىلدەرىنە ارنالعان جابىق كورسەتىلىمى ءوتتى.

 ال بۇگىننەن باستاپ فيلم تۇركيانىڭ 80-نەن اسا كينوتەاترىندا كوپشىلىك كورەرمەنگە ۇسىنىلادى. بۇل تۋرالى qazaqstan.tv جازدى.

بۇعان دەيىن قازاق كينولارىنان تۇرىك تىلىنە تەك تاريحي فيلمدەر اۋدارىلعان، ال جاستارعا ارنالعان كومەديا جانرىنداعى فيلم العاش رەت كورسەتىلىپ وتىر. كورسەتىلىمگە جينالعاندار فيلمگە جوعارى باعا بەردى. كارتينادا اناسى از ۋاقىتتا ۇيلەندىرگىسى كەلەتىن دامير اتتى جاس جىگىتتىڭ باسىنان وتكەن قىزىقتى وقيعالار ءساتتى ورىلگەن.

نەعۇرلىم باسقا مادەنيەتتى جانە كينوسىن تانىساق سوعۇرلىم ءبىر قادام الدىدا جۇرەمىز دەپ ويلامىن. ءبىز تەك قانا تۇركيا نارىعىنا ەمەس بۇكىل الەمگە قازاق كينوسىن تانىتامىز دەگەن جوسپارىمىز بار. جاقىندا قازاقستان امەريكا سوپرودۋكسيا فيلمگە دايىندىق ءجۇرىپ جاتىر. ول جەردە گولليۆۋدتىڭ تانىمال اكتەرلارى جانە انگليانىڭ، تۇركيانىڭ تانىمال اكتەرلارى وينايدى، - دەيدى ناديرا احونوۆا، فيلمنىڭ تۇركياداعى پروديۋسەرى.

اۆتور

باقىتگۇل اباي قىزى