19:53, 29 - ماۋسىم 2025 | GMT +5
تۇركياداعى دەمالىس ورنىندا تاعى دا قوناق ءۇي ورتەندى
استانا. KAZINFORM - انتاليانىڭ تاريحي كالەيجي اۋدانىنداعى قوناق ءۇي ورتكە وراندى. بۇل تۋرالى DHA اگەنتتىگى حابارلادى.
وقيعا كالەيدجي تاريحي اۋدانىنداعى سەلچۋك ماحاللەسى ۇزىن كارسى كوشەسىندە ساعات 12:00 شاماسىندا بولعان. جالىن 3 كاسىپورىندى شارپىعان، سونىڭ ءبىرى –قوناق ءۇي.
حابارلاما بويىنشا، بۇل ايماققا كوپتەگەن ءورت ءسوندىرۋ بريگاداسى جىبەرىلدى. ەكيپاج مۇشەلەرى تاريحي اۋدانداعى ءورتتىڭ ايماقتاعى باسقا عيماراتتارعا تارالۋىن بولدىرماۋ ءۇشىن بارىن سالىپ جاتىر.
ەسكە سالساق، بۇدان بۇرىن تۇركيانىڭ مارماريس قالاسىندا ورنالاسقان بەس جۇلدىزدى قوناق ءۇي ورتەنىپ، 6 ادام اۋرۋحاناعا تۇسكەن بولاتىن.
سونداي-اق 2025-جىلدىڭ باسىندا قاڭتار ايىندا تۇركياداعى Grand Kartal قوناق ءۇيى قىزىل جالىنعا ورانعان ەدى.
