تۇركيادا يسلام مەملەكەتىمەن بايلانىسى بار دەگەن كۇدىكپەن 65 ادام ۇستالدى
استانا. KAZINFORM - تۇركيانىڭ ىشكى ىستەر ءمينيسترى الي يەرليكايا جۇما كۇنى، 23-تامىزدا ەلدىڭ 17 پروۆينتسياسىن قامتيتىن كەزەكتى انتيتەررورلىق وپەراتسيانىڭ اياقتالعانىن مالىمدەدى.
مينيستر GـRZ-9 كودتىق اتىمەن اتالعان وپەراتسيانىڭ بەس كۇنگە سوزىلعانىن، قۇقىق قورعاۋ ورگاندارىنىڭ بارلىق ارەكەتتەرىن انكاراداعى ورتالىق قاۋىپسىزدىك باسقارماسى ۇيلەستىرەتىنىن ايتتى. كۇدىكتىلەر ۇستالعان پروۆينتسيالار اراسىندا ىستانبۇل، انكارا، مالاتيا جانە سيۆاس بولدى.
«جالپى دايش لاڭكەستىك ۇيىمىنا قاتىسى بار دەگەن كۇدىكپەن 65 ادامعا قاتىستى الدىن الۋ شارالارى تۋرالى شەشىم قابىلدانادى»، - دەدى يەرليكايا.
تۇركيا ىشكى ىستەر مينيسترلىگىنىڭ باسشىسى لاڭكەستىك ارەكەتتەرمەن ودان ءارى كۇرەسۋگە تاباندى تۇردە كىرىسەتىنىن اتاپ ءوتتى.
بۇعان دەيىن تۇركيادا لاڭكەستىك ۇيىمعا قاتىسى بار دەگەن 24 كۇدىكتى ۇستالعان بولاتىن.
