تۇركيادا تەرروريزمگە قاتىسى بار 360 تان استام كۇدىكتى ۇستالدى

استانا. KAZINFORM - تۇركيانىڭ 41 پروۆينتسياسىندا تەرروريزمگە قاتىسى بار 360-تان استام كۇدىكتى قۇرىقتالدى، دەپ حابارلايدى ازەرتادج.

تۇركيانىڭ ىشكى ىستەر ءمينيسترى الي ەرليكايا الەۋمەتتىك جەلىلەردە تەررورلىق ۇيىم - «پاراللەل مەملەكەت» (FETض) تەرروريستىك ۇيىمىنا قاتىسى بار تۇلعالاردى ۇستاۋعا باعىتتالعان كەڭ اۋقىمدى وپەراتسيالار تۋرالى حابارلادى.

اگەنتتىك حابارلاعانداي، ءمينيستردىڭ مالىمەتىنشە، سوڭعى ەكى اپتا ىشىندە ەلدىڭ 41 پروۆينتسياسىندا، سونىڭ ىشىندە انكارا، ىستانبۇل جانە يزمير قالالارىندا ارنايى وپەراتسيالار جۇرگىزىلگەن.

- جالپى 361 تەرروريزمگە كۇدىكتى ۇستالدى. ولار تىيىم سالىنعان ۇيىمنىڭ قىزمەتىنە قاتىسۋ، تەرروريستىك قۇرىلىمداردى قارجىلاندىرۋ جانە ناسيحاتتاۋ، سونداي-اق ByLock دەپ اتالاتىن شيفرلانعان بايلانىس قوسىمشاسىن قولدانۋ بويىنشا ايىپتالىپ وتىر، - دەپ جازدى مينيستر.

سونداي-اق، ول وپەراتسيالارعا قاتىسقان بارلىق كۇشتىك قۇرىلىم قىزمەتكەرىنە العىس ءبىلدىردى.

بۇدان بۇرىن تۇركيا كريپتوۆاليۋتالارعا باقىلاۋدى كۇشەيتەتىنى ءمالىم بولدى.