تۇركيادا اپتاپ ىستىقتان اسفالت ەرىپ جاتىر

   تۇركيانىڭ وڭتۇستىك-شىعىسىنداعى شانلىۋرفا قالاسىندا اۋا تەمپەراتۋراسى 52 گرادۋسقا دەيىن كوتەرىلدى.

بۇل كەيىنگى جىلدارداعى ەڭ جوعارى كورسەتكىشتەردىڭ ءبىرى. افريكادان جەتكەن ىستىق سالدارىنان كەيبىر تۇرعىندار ۇيلەرىنەن شىعا الماي قالدى. جۇرت كولەڭكە ىزدەپ، جاسىل جەلەكتەردى ساعالاپ ءجۇر. جەرگىلىكتى اقپارات قۇرالدارىنىڭ حابارلاۋىنشا، كەي اۋدانداردا اسفالت ەرىپ جاتىر. ماماندار اسىرەسە قارتتار، بالالار جانە سوزىلمالى اۋرۋى بار ادامداردىڭ دالاعا شىقپاۋىن ەسكەرتەدى. سونىمەن قاتار كۇن ساۋلەسىنەن قورعايتىن قۇرالداردى پايدالانىپ، كوپ مولشەردە سۋ ءىشۋ قاجەت ەكەنىن ايتادى.

https://24.kz