تۇركيا ل گ ب ت كونتەنتىمەن كۇرەسەتىنىن جاريالادى
استانا. KAZINFORM - تۇركيادا 2025 -جىل رەسمي تۇردە ل گ ب ت كونتەنتىمەن كۇرەس جىلى بولىپ جاريالاندى، دەپ حابارلايدى Kazinform.
تۇركيانىڭ راديو جانە تەلەۆيدەنيە جوعارى كەڭەسى (RTÜK) مەن ەلدىڭ اقپاراتتىق تەحنولوگيالار جانە كوممۋنيكاتسيالار باسقارماسى (BTK) وكىلدەرى تۇركيا ۇلى ۇلتتىق ءماجىلىسىنىڭ بالالارعا قاتىستى زورلىق-زومبىلىق جونىندەگى كوميتەتىنىڭ وتىرىسىندا بايانداما جاسادى. وندا ولار ەلدەگى سيفرلىق قاۋىپسىزدىكتى قامتاماسىز ەتۋ ءۇشىن قابىلداپ جاتقان شارالار تۋرالى ايتتى.
RTÜK ءتوراعاسى فەيزۋللاح تەدجيرلي بالالارعا قاتىستى زورلىق-زومبىلىقتى تالقىلاۋ بارىسىندا مەملەكەتتىك ورگاننىڭ تۇرىك تەلەحيكايالارى پروديۋسەرلەرىمەن جۇمىستى جالعاستىرىپ، «وتباسىلىق قۇندىلىقتارعا» نازار اۋدارىپ، بالالارعا قولايلى كونتەنتتى قولدايتىنىن اتاپ ءوتتى. ول كەڭەستىڭ ارەكەتىندە ءداستۇرلى تۇرىك قۇندىلىقتارىنا سايكەس كەلەتىن مادەني باستامالاردى قولداۋعا باسا نازار اۋدارىلاتىنىن اتاپ ءوتتى.
سونىمەن قاتار BTK باس ديرەكتورى ابدۋلكەريم گيۋن رەتتەۋشى ۇيىمدار ل گ ب ت مازمۇنىنا تىيىم سالۋ ءۇشىن بەلسەندى تۇردە جۇمىس ىستەپ جاتقانىن جانە بۇل ماسەلە بويىنشا ىقتيمال سوت پروتسەستەرىنە الاڭدامايتىنىن تىلگە تيەك ەتتى.
مۇنداي باستامالار ەل ىشىندە دە، سىرتىندا دا پىكىرتالاس تۋدىردى، ويتكەنى ولار ءسوز بوستاندىعىنا جانە ل گ ب ت قاۋىمداستىعىنىڭ قۇقىقتارىنا اسەر ەتۋى مۇمكىن. ساراپشىلاردىڭ پىكىرىنشە، ازشىلىق قۇقىقتارى مەن باسپا ءسوز بوستاندىعىنا قاتىستى پىكىرتالاستار ءورشىپ تۇرعان تۇستا مۇنداي شارالار تۇركياداعى مادەني الماسۋلارعا قاتاڭ سەنزۋراعا جانە شەكتەۋلەرگە اكەلۋى مۇمكىن.
ايتا كەتەيىك، ەدىل جاڭبىرشين ق ر پارلامەنتى ءماجىلىسى دەپۋتاتتارىنا اقپاراتتىق قىسىم جاساعان ل گ ب ت وكىلدەرىن جازالاۋ كەرەك ەكەنىن ايتقان بولاتىن.
