تۇركيا كوپ قاباتتى اۋە قورعانىس جۇيەسىن جەتىلدىرەدى
استانا. KAZINFORM - تۇركيا بۇكىل ەل اۋماعىندا كوپقاباتتى اۋە قورعانىس جۇيەسىن كەڭەيتۋ ماقساتىندا «بولات كۇمبەز» دەپ اتالاتىن قورعانىس جۇيەسىنە ينۆەستيتسيا سالۋدى جوسپارلاپ وتىر، دەپ حابارلايدى TRT اقپاراتتىق اگەنتتىگى.
تۇركيا ۇلتتىق قورعانىس مينيسترلىگىنىڭ دەرەككوزدەرىنىڭ ايتۋىنشا، جوسپارلانعان جاڭارتۋلار گيپەردىبىستىق، بالليستيكالىق جانە قاناتتى زىمىران جۇيەلەرىنە، سونداي-اق ۇشاقتارعا، اسكەري كەمەلەرگە، تانكتەرگە جانە قۇرلىقتا، تەڭىزدە جانە اۋەدە قولدانىلاتىن پيلوتسىز جۇيەلەرگە، جاڭا بۋىن اۋە تاسىمالداۋشىلارى مەن فرەگاتتارعا ينۆەستيتسيا سالۋدى قامتيدى.
ايتا كەتەيىك، ناتو باس حاتشىسى مارك ريۋتتە تۇركيانىڭ قورعانىس ونەركاسىبى بازاسىن ماقتاپ، ەلدىڭ قورعانىس ونەركاسىبى ۇلى بريتانيا، نورۆەگيا جانە ەۋروپا وداعىمەن تىعىز بايلانىستا بولۋى كەرەك دەگەن.
