تۇركيا جاڭارتىلاتىن ەنەرگياعا ينۆەستيتسيا سالۋدى كۇشەيتپەك

استانا. KAZINFORM - تۇركيا جاڭارتىلاتىن ەنەرگيا كوزدەرىنە ينۆەستيتسيا سالۋدى كۇشەيتۋ ءۇشىن «سۋپەر رۇقسات ەتۋ» مەحانيزمىن ەنگىزۋدى كوزدەپ وتىر.

تۇركيادا ەلەكتر ەنەرگياسىن قايتا وندىرۋدەگى جاڭا قادام جاڭارتىلاتىن ەنەرگيا وبەكتىلەرىن، سونىڭ ىشىندە كۇن جانە جەل ەلەكتر ستانتسيالارىن سالۋعا قاجەتتى رۇقساتتاردى بەكىتۋ جانە بەرۋ پروتسەسىن جەدەلدەتۋگە مۇمكىندىك بەرمەك.

«سۋپەر رۇقسات بەرۋ» جۇيەسى ەلدىڭ ەنەرگەتيكالىق تاۋەلسىزدىككە قول جەتكىزۋى جولىنداعى ستراتەگيانىڭ ءبىر بولىگى. بيۋروكراتيالىق پروتسەدۋرالاردى ازايتۋ تۇرىك ۇكىمەتىنىڭ تۇراقتى ەنەرگيا كوزدەرىنە كوشۋ قارقىنىن جەدەلدەتە وتىرىپ، جاڭا ينۆەستيتسيا تارتۋ مۇمكىندىگىن ارتتىرادى.

تۇركيانىڭ ەنەرگەتيكا جانە تابيعي رەسۋرستار ءمينيسترى الپارسلان بايراكتاردىڭ ايتۋىنشا، «سۋپەر رۇقسات بەرۋ» جۇيەسىن قۇرۋ ەلدىڭ پاريج كەلىسىمى بويىنشا مىندەتتەمەلەرىن ورىنداۋعا جانە پارنيكتىك گازدار شىعارىندىلارىن ازايتۋعا جول اشادى.

كۇن جانە جەل ەنەرگياسىن پايدالانۋ ءۇشىن ينفراقۇرىلىمدى بەلسەندى تۇردە دامىتىپ جاتقان تۇركيا الداعى جىلدارى ۇلتتىق ەنەرگيا جۇيەسىندەگى جاڭارتىلاتىن ەنەرگيا كوزدەرىنىڭ ۇلەسىن ايتارلىقتاي ارتتىرۋدى جوسپارلاپ وتىر.

وسىعان دەيىن تۇركيا افريكادان مۇناي مەن گاز ىزدەيتىنىن جازعان ەدىك.