تۇركى مەملەكەتتەرى ۇيىمىنىڭ سامميتى باستالدى

استاناداعى بەيبىتشىلىك جانە كەلىسىم سارايىندا تۇركى مەملەكەتتەرى ۇيىمىنىڭ X سامميتى باستالدى، دەپ حابارلايدى Kazinform اگەنتتىگى.

جيىنعا تۇركيا، ازەربايجان، وزبەكستان، قىرعىزستان پرەزيدەنتتەرى ۇيىمعا مۇشە مەملەكەت باسشىلارى رەتىندە، ماجارستان پرەمەر-ءمينيسترى مەن تۇرىكمەنستان باسشىسى باقىلاۋشى ەلدىڭ باسشىلارى رەتىندە قاتىسادى.

مارتەبەلى مەيمانداردىڭ الدى 1-قاراشادا كەلە باستادى.

ال كەشە تۇركيا پرەزيدەنتى رەجەپ تايىپ ەردوعان، ازەربايجان پرەزيدەنتى يلحام اليەۆ، قىرعىز رەسپۋبليكاسىنىڭ پرەزيدەنتى سادىر جاپاروۆ، بۇگىن تۇرىكمەن حالقىنىڭ ۇلت كوشباسشىسى گۋربانگۋلى بەردىمۇحامەدوۆ كەلدى.

ت م ۇ سامميتى «تۇركى ءداۋىرى» ۇرانىمەن وتەدى.

بۇگىن سىرتقى ىستەر مينيسترلىگىندە تۇركى مەملەكەتتەرى ۇيىمىنىڭ سىرتقى ىستەر ميينسترلەرى كەڭەسىنىڭ جابىق وتىرىسى ءوتتى.

شارادا ق ر سىرتقى ىستەر ءمينيسترى مۇرات نۇرتىلەۋ يزرايل-حاماس قاقتىعىسىنداعى قازاقستان ۇستانىمىن ايتتى.