تۇركسوي: بيىل - كۇيشى، كومپوزيتور نۇرعيسا تىلەنديەۆتى ەسكە الۋ جىلى
استانا. KAZINFORM - تۇركسوي تۇركى مادەنيەتى ۇيىمى 2025-جىلدى نۇرعيسا تىلەنديەۆتى ەسكە الۋ جىلى دەپ جاريالادى. بۇل تۋرالى حالىقارالىق ۇيىمنىڭ باس حاتشىسى سۇلتان رايەۆ ءمالىم ەتتى.
- بيىل تۇركسوي ۇيىمى نۇرعيسا تىلەنديەۆتىڭ شىعارماشىلىعىنا ارنالعان ءبىرقاتار ءىس-شارا جوسپارلاپ وتىر. ناۋرىز ايىندا كومپوزيتوردىڭ 100 جىلدىعىن رەسمي اشىق دەپ جاريالاعان بولاتىنبىز. وسى مەرەيتوي اياسىنداعى مادەني شارالار قازاقستاندا عانا ەمەس، تۇتاس تۇركى ەلدەرىندە وتكىزىلەدى. ارنايى كونسەرتتەر مەن كەشتەر، عىلىمي-پراكتيكالىق كونفەرەنسيالار ۇيىمداستىرىلادى، - دەدى تۇركسوي باسشىسى Jibek joly تەلەارناسىنداعى «بۇگىن. LIVE» باعدارلاماسىندا.
ەسكە سالساق، بۇگىن بەلگىلى كۇيشى، كومپوزيتور، «وتىرار سازى» اكادەميالىق فولكلورلىق-ەتنوگرافيالىق حالىق اسپاپتارى وركەسترىنىڭ نەگىزىن قالاۋشى نۇرعيسا تىلەندييەۆكە - 100 -جىل.
بۇعان دەيىن حابارلاعانىمىزداي، قازاق كومپوزيتورىنىڭ مەرەيتويى ەل شەڭبەرىندە عانا ەمەس، يۋنەسكو، تۇركسوي سياقتى حالىقارالىق ۇيىمداردىڭ دەڭگەيىندە دە اتالىپ وتەدى.
