10:39, 31 - شىلدە 2024 | GMT +5
تەگەراندا حاماس باسشىسى يسمايل حانيا قازا تاپتى
استانا. KAZINFORM- پالەستينالىق حاماس قوزعالىسى ساياسي بيۋروسىنىڭ جەتەكشىسى يسمايل حانيا سارسەنبى كۇنى تاڭەرتەڭ تەگەراندا ءولتىرىلدى، دەپ جازادى Mehr اگەنتتىگى.
يسلام ريەۆوليۋتسياسى ساقشىلار كورپۋسى تاراتقان مالىمدەمەگە سەنسەك، يسمايل حانيا مەن ونىڭ وققاعارى تەگەرانداعى رەزيدەنسياسىنا جاسالعان شابۋىلدان كەيىن مەرت بولعان.
- قاھارمان پالەستينا حالقىنا جانە يسلام حالقىنا، سونداي-اق وسى ۋاقىتقا دەيىن قارسىلاسىپ كەلگەن جاۋىنگەرلەر مەن يراننىڭ اسىل حالقىنا كوڭىل ايتا وتىرىپ، بۇگىن تاڭەرتەڭ (2024 -جىلدىڭ 31-شىلدەسى) تەگەرانداعى رەزيدەنتسياسىنا جاسالعان شابۋىلدان يسمايل حانيا مىرزا مەن ونىڭ ءبىر وققاعارى شەيىت بولعانىن حابارلايمىز، - دەلىنگەن يسلام ريەۆوليۋتسياسى ساقشىلار كورپۋسى مالىمدەمەسىندە.
اۆتور
ەركەجان سماعۇلوۆا
