ترامپتىڭ تاريفتىك ساياساتى ا ق ش- قا 50 ميلليارد دوللاردان استام قوسىمشا كىرىس اكەلدى

استانا. KAZINFORM – ا ق ش پرەزيدەنتى دونالد ترامپتىڭ اگرەسسيۆتى تاريفتىك ستراتەگياسى ەل بيۋجەتىنە 50 ميلليارد دوللار كولەمىندە قوسىمشا كەدەندىك ءتۇسىم ءتۇسىردى.

ا ق ش قارجى مينيسترلىگىنىڭ دەرەكتەرىنە سايكەس، 2025-جىلدىڭ ەكىنشى توقسانىندا كەدەندىك تۇسىمدەر 64 ميلليارد دوللارعا جەتىپ، وتكەن جىلدىڭ سايكەس كەزەڭىمەن سالىستىرعاندا 47 ميلليارد دوللارعا ارتقان. بۇل كورسەتكىش ەل تاريحىنداعى رەكوردتىق دەڭگەي بولىپ وتىر. بۇل تۋرالى Financial Times (FT) باسىلىمى حابارلادى.

ساۋدا سوعىسىنىڭ ۋشىعۋىنان بەرى وتكەن ءتورت اي ىشىندە تەك قىتاي مەن كانادا ترامپ ەنگىزگەن جاھاندىق باج سالىعىنا ەلەۋلى قارسى شارالار قابىلدادى.

ال الەمدەگى ەڭ ءىرى ساۋدا بلوگى - ەۋروپالىق وداق قارسى باج سالىعىن ازىرلەگەنىمەن، ونى ەنگىزۋدى كەيىنگە شەگەرىپ وتىر. بريۋسسەل 1-تامىزعا دەيىن ۆاشينگتونمەن ساۋدا كەلىسىمىنە كەلۋگە نيەتتى.

كەي ساراپشىلاردىڭ پىكىرىنشە، قارسى شارالاردىڭ بولماۋى ترامپتىڭ ۇستانىمىن نىعايتا تۇسكەن. پرەزيدەنت كەدەندىك كىرىستى ءوزىنىڭ ساۋداداعى قاتاڭ ساياساتىنىڭ ناتيجەسى رەتىندە كورسەتۋدە. ونىڭ وداقتاستارى بۇل ساياسات وزگە ەلدەردى كەلىسسوز ۇستەلىنە اكەلۋگە ىقپال ەتتى دەپ ەسەپتەيدى.

دەگەنمەن ساراپشىلاردىڭ ءبىر بولىگى بۇل ساياساتتىڭ الەمدىك ساۋدا مەن ديپلوماتيالىق قارىم-قاتىناسقا ۇزاق مەرزىمدى كەرى اسەرى بولۋى مۇمكىن ەكەنىن ەسكەرتۋدە.

بۇعان دەيىن ترامپ 150 دەن استام ەلدەن كەلەتىن يمپورتقا %10-15 كولەمىندە جاڭا باج سالىعىن ەنگىزۋ جوسپارىن جاريالاعان بولاتىن.