ترامپتىڭ سالىق ساياساتىنان ا ق ش پورتتارى زارداپ شەگە باستادى

استانا. قازاقپارات - پرەزيدەنت دونالد ترامپتىڭ تاريفتىك ساياساتىنان ا ق ش- تىڭ پورتتارى دا زارداپ شەگە باستادى، دەپ حابارلايدى 24kz.

 ەلدەگى ەڭ ءىرى تەڭىز ايلاعىنىڭ ءبىرى - كاليفورنياداعى لونگ-بيچتىڭ تابىسى ازايدى. جاڭا زاڭ كۇشىنە ەنگەن سوڭ پورتقا 17 كەمە كىرە الماعان. ەكونوميستەر: «بۇلاي جالعاسا بەرسە، ايماقتىڭ ەكونوميكاسىنا كەرى اسەرى زور بولادى»، - دەيدى. دەرەككە جۇگىنسەك، كاليفورنيا شتاتىنداعى پورت بۇعان دەيىن اپتاسىنا 100 گە جۋىق كەمەنى قابىلداپ كەلگەن.

ماريو كوردەرو، لونگ-بيچ پورتىنىڭ باسشىسى:

- ەگەر تاريفتەر وسى كۇيىندە قالسا، 2025 -جىلدىڭ ەكىنشى جارتىسىندا پورتقا كەلەتىن كەمەلەر سانى %20- كە ازايادى. دەمەك، جۇمىسشىلار قىسقارتىلىپ، ءوڭىر ەكونوميكاسى زارداپ شەگەدى.

سونىمەن بىرگە، ا ق ش ەكونوميكاسى بيىل ءبىر عانا تۋريزمنەن تۇسەتىن 90 ميلليارد دوللارعا دەيىنگى كىرىستەن قاعىلۋى مۇمكىن، دەپ حابارلايدى  Goldman Sachs.ينۆەستيتسيالىق بانكى ماماندارىنىڭ بولجامى وسىنداي. العاشقى توقساننىڭ وزىندە امەريكاعا كەلگەن شەتەلدىك دەمالۋشىلار سانى %12- كە كەمىگەن. وعان كوشى-قون ەرەجەلەرىنىڭ قاتاڭداتىلۋى سەبەپ. سوسىن دونالد ترامپتىڭ مالىمدەمەلەرى دە اسەر ەتكەن. ول كانادانى ا ق ش- تىڭ 51- شتاتى قىلعىسى كەلەتىنىن ايتقان. ءسويتىپ، كورشى ەلدەن كەلەتىن تۋريست سانى بىردەن %90- كە كەمىدى.

 24.kz